曼聯上下勢要贏波賀兩位傳奇! 更要推費SIR代隊長捧盃!

曼聯專區 於 12/05/2013 發表 收藏文章
曼聯將會晌周日主場對史雲斯,重點當然係場波完咗之後嘅捧盃,而曼聯上下都已經決定咗,周日晚捧盃將會由費SIR去領獎,而唔係傳統由隊長捧英超冠軍獎盃!

據英國《鏡報》披露,為咗表示對費SIR嘅紀念,曼聯上下決定會由弗格森捧起冠軍獎盃,按照慣例,在曼聯上下獲頒獎牌之後,將會由曼聯隊長,亦即係維迪代表曼聯全隊捧起英超冠軍,但隨著費SIR宣布即將退休,曼聯上下都覺得晌周日晚由費SIR捧起英超獎盃,會更有意義,因為呢個將會係費SIR執教生涯最後一個獎盃,而相信開波前,曼聯同史雲斯球員都會列隊歡迎同晌費SIR致敬
一位曼聯內部人士就講喇,「球員們都覺得只有費SIR捧起獎盃先係最適合,對球隊嚟講,今晚將會係非常動人嘅一日,當費SIR舉起獎盃嗰一瞬間,球迷嘅歡呼聲絕對係不可思議。」而唔講唔知,曼聯今場對史雲斯嘅比賽門票已經炒到成2000鎊一張,所有嘅曼聯球迷都好想晌現場睇全費SIR最後一次晌奧脫福執教。

除咗費SIR之外,今晚都有一位仁兄最後一次晌奧脫福亮相,佢就係費SIR愛將——中場發電機史高斯

曼聯官方網站今日宣布,38歲嘅史高斯繼2010-11賽季後,再度晌今個球季後退役。呢位曼聯92黃金一代嘅核心成員,同傑斯一樣晌職業生涯上只效力過曼聯一支球隊。呢位前英格蘭國腳原本晌2010-11賽季後退役,但晌短短半年後,因曼聯中場積弱,史高斯晌2012年1月被迫復出,直至今夏再次宣佈掛靴。

費SIR就公開讚佢嘅愛徒喇,「史高斯係一位不可思議嘅球員,他對曼聯忠貞不二,為球隊奉獻所有,能跟他咁多年共事,亦係我嘅榮幸。周日主場對史雲斯嘅比賽,佢將會上陣,並晌當日收獲自己第11面英超冠軍獎牌。」

至於史高斯就話:「係呀,我決定掛靴喇!一直以來踢波都是我唯一想做嘅事,我踢咗好耐波,晌曼聯度過咗好成功嘅職業生涯。能夠晌史上最偉大嘅領隊麾下踢波,係莫大嘅榮譽,曼聯現在好健康、實力好均衡,晌莫耶斯嘅帶領下,一定會繼續取得成功。

如果喜歡我們的文章,請即分享到︰

標籤: 費格遜  史高斯  曼聯  史雲斯  退休  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→