普巴u-turn？4年合約等你簽！

重返榜首當然開心啦，不過仲有另一件開心嘅事，就係昨天一仗久違嘅普巴終於都上陣喇！呢個法國仔唔肯續約大家都知，而對阿積士一仗原本爵爺話俾佢打下，最後後備都唔見影，一眾紅魔粉絲都即刻心淡哂，估佢一定會投老婦人祖雲達斯喇…不過尋日佢唔單止有後備，仲打咗20分鐘！咁…係唔係即係有轉機？
普巴為曼聯上陣20分鐘！
對佢留唔留隊，爵爺都係唔知住…佢話普巴仲諗緊點好，不過佢已經充分表現咗佢嘅潛質。最重要嘅，係爵爺嘅一句激勵說話：「無容置疑，普巴係一隊嘅成員之一。」其實有傳普巴已經同祖雲達斯簽約，如果屬實，爵爺又點會俾佢上陣呢？所以英國傳媒都估計緊，普巴會唔會嚟個u-turn同曼聯簽下4年合約。你又期唔期待下季見到佢呢？
如果已經賣走，實在無上陣理由噃！唔通...