新波衫想印簡東拿個名? NO WAY!!! 精選

曼聯上個禮拜咪出咗新嘅主場球衣，大家有無心動想去買返件呢? 最特別之處都莫過於佢個領反出來嘅格仔! 即刻令大家諗返起當時次次著曼聯衫都反領嘅「簡大帝」簡東拿! 就因為咁，有好多忠心曼聯球迷見到呢個設計，就希望去印番件簡東拿名嘅7號波衫…之不過曼聯官網就表明，唔會晌新7號波衫上幫佢哋印上簡東拿個名。

其實又唔怪得球迷有咁嘅行為，曼聯新球衣嘅黑色反領正，正正俾人感覺就係為紀念簡東拿著名豎領而復古設計，就連好多現役曼聯球員評論新球衣時，都不約而同講到這一點，而且佢哋都話，自己都唔敢學簡東拿咁著。但好可惜，偏偏令人懷念嘅，就唔可以印上簡東拿個名，而官方嘅解釋就是，佢哋已經唔再擁有簡東拿嘅球衣名字版權。
新衫如果教人不想起他呢???
一名曼聯die hard女fan就話：「我哋成家都係曼聯球迷，我們晌1996年就擁有曼聯季票，我自己喇，兩個哥哥同父親都係曼聯迷，我亦曾經係曼聯女子足球隊成員，由U10到U14，我認為球會應該為球迷想得更周到。晌推出新球衣後，球會，官網、球迷晌過去一周都係咁講，呢件絕對係簡東拿嘅球衣，因此我認為晌後面印上簡東拿個同就最適合不過，之不過球會竟然同我講唔可以印呢件衫，因為佢哋必須向簡東拿支付版權稅。」
香川仔都效法簡大帝著法...
原來唔止簡東拿，如果大家想印C朗或者碧咸，統統都係唔得，因為全都係涉及版權問題，如果大家真係咁想印7號嘅話，就乖乖地印華倫西亞喇，一定印得!!!
大家都係乖乖地搵個現役球員名印落去喇!