文迪斯:迪基亞續約談已展開

曼聯專區 於 09/02/2015 發表 收藏文章
經歷了多一場和波,大家一定更加唔捨得迪基亞的能力,如果唔係佢,曼聯對「槌仔幫」真係一分都攞唔走…而域陀華迪斯的來投,亦令人感覺到有危機,唔知迪基亞係唔係想走…不過大家可以放少少心,因為迪迪仔嘅經理人文迪斯同大家講,曼聯已經同佢傾緊續約喇!

佢咁講:「我同曼聯傾緊迪基亞的續約事宜。對於外間消息指佢同皇馬簽咗約呢件事,我可以同大家確認係假嘅。我已經同緊曼聯傾續約喇。」2011年以1780萬鎊加盟紅魔鬼的迪基亞,以其非同一般的身手救咗曼聯好多好多次、保住好多好多分,2016年就滿約嘅佢當然係好多魔迷的偶像。眾多迪基亞出走的傳聞甚囂塵上,不過文迪斯上周已經講過佢會留在曼聯,因為迪基亞在奧脫福好開心,而今日更加講到已經展開續約商談,睇嚟接下來的3、4、5年都應該仲見到迪基亞身穿紅魔波衫嘅!

呢到又講下Jorge Mendes文迪斯啦,佢係c朗、迪基亞的經理人大家都知,其實佢仲係迪馬利亞、法卡奧、域陀華迪斯同埋占士洛迪古斯的經理人,真係agent fee都夠佢用幾世啦!

如果喜歡我們的文章,請即分享到︰

標籤: 迪基亞  

留言


請按此登錄後留言。未成為會員? 立即註冊
    快捷鍵:←
    快捷鍵:→