曼聯奪冠遊行聲勢浩大，大家都非常開心，惟獨有一個人好似俾人打咗一身，成塊面上面都刻住「我想走」，呢個就係朗尼…而球迷之中，亦有不少人報以噓聲，一代曼聯的重要球員搞成咁，真係令人好不安…爵爺親口承認朗尼已交轉會要求，加上莫耶斯的加盟，令朗尼的前路更為不明朗…
唔單止從慶祝上睇到朗尼想走，就連比賽場上的數據亦反映佢有啲心不在焉。雖然本季上陣36攻入16球仍然好犀利，不過比起之前佢已經無咁有威脅。上陣400次攻入197球，2011-12年只要朗尼出場，球隊的勝率有76%，平均每場攻入2.4球；佢不在陣中，勝率就跌到50%。不過今季朗尼不在陣中的比賽，勝率反而升至90%！當然，我哋都唔能夠抹殺朗尼今季打多咗中場、入唔到波的事實，不過場上朗尼有跌watt就大家都有眼睇得到。
雖然佢好似已經走硬，不過曼聯的一眾領軍人物都唔會袖手旁觀，始終朗尼的實力不容置疑，無咗佢紅魔實力真係會打一個折扣。正如其好敵手莫耶斯最近大讚朗尼係現時球壇最好的球員之一，而且球味極濃，往往訓練完哂之後仲會同朋友仔打街波，更形容佢為「街場球員」的最後一人！英國《太陽報》就話，為咗留住佢爵爺、傑斯同莫耶斯就開咗個秘密會議，為時90分鐘，仲話佢哋走人時都行色匆匆，離開開會酒店時，都會睇清楚有無人先，好似真係有大秘密咁。而據講會談的內容，就係睇下有無機會留底朗尼，同將傑斯納入教練團隊之中。
另一方面都要睇睇實情，皇馬、巴塞都對朗尼表示無咩興趣，而拜仁亦於呢兩日表明應該唔會出價朗尼。最後可以買得起嘅，就只有擁有另一位紅魔大師兄碧咸嘅巴黎聖日耳門了。作為一位都幾傳統的英國人，朗尼有無興趣去法國呢？要留喺英國，車仔、曼城都係好選擇，但係朗尼又肯唔肯咁做？其實在曼聯咁多年，好多嘢都已經鋪路，讓佢成為紅魔的領軍者，佢嘅選擇其實唔多。不過咁嘅情況下，爵爺都考慮要賣佢嘅時候，可以問題已進入白熱化程度。究就朗尼會點揀？對住一位有牙齒印的前老細，如果無好好解決問題，呢個絕對會成為朗尼不惜一切都要離開的原因…
朗尼：法國好唔好？咸爺：日日搭Eurostar返英國，無問題！
唔單止從慶祝上睇到朗尼想走，就連比賽場上的數據亦反映佢有啲心不在焉。雖然本季上陣36攻入16球仍然好犀利，不過比起之前佢已經無咁有威脅。上陣400次攻入197球，2011-12年只要朗尼出場，球隊的勝率有76%，平均每場攻入2.4球；佢不在陣中，勝率就跌到50%。不過今季朗尼不在陣中的比賽，勝率反而升至90%！當然，我哋都唔能夠抹殺朗尼今季打多咗中場、入唔到波的事實，不過場上朗尼有跌watt就大家都有眼睇得到。
雖然佢好似已經走硬，不過曼聯的一眾領軍人物都唔會袖手旁觀，始終朗尼的實力不容置疑，無咗佢紅魔實力真係會打一個折扣。正如其好敵手莫耶斯最近大讚朗尼係現時球壇最好的球員之一，而且球味極濃，往往訓練完哂之後仲會同朋友仔打街波，更形容佢為「街場球員」的最後一人！英國《太陽報》就話，為咗留住佢爵爺、傑斯同莫耶斯就開咗個秘密會議，為時90分鐘，仲話佢哋走人時都行色匆匆，離開開會酒店時，都會睇清楚有無人先，好似真係有大秘密咁。而據講會談的內容，就係睇下有無機會留底朗尼，同將傑斯納入教練團隊之中。
另一方面都要睇睇實情，皇馬、巴塞都對朗尼表示無咩興趣，而拜仁亦於呢兩日表明應該唔會出價朗尼。最後可以買得起嘅，就只有擁有另一位紅魔大師兄碧咸嘅巴黎聖日耳門了。作為一位都幾傳統的英國人，朗尼有無興趣去法國呢？要留喺英國，車仔、曼城都係好選擇，但係朗尼又肯唔肯咁做？其實在曼聯咁多年，好多嘢都已經鋪路，讓佢成為紅魔的領軍者，佢嘅選擇其實唔多。不過咁嘅情況下，爵爺都考慮要賣佢嘅時候，可以問題已進入白熱化程度。究就朗尼會點揀？對住一位有牙齒印的前老細，如果無好好解決問題，呢個絕對會成為朗尼不惜一切都要離開的原因…
朗尼：法國好唔好？咸爺：日日搭Eurostar返英國，無問題！
請按此登錄後留言。未成為會員? 立即註冊