摩連奴:我目標係15年的曼聯生涯!

曼聯專區 於 19/07/2017 發表 收藏文章
摩帥教過好多隊波,過往一向每隊教幾年,不過即將踏入第2年教曼聯,摩連奴已經諗住要做第二個費sir,準備好將佢26年嘅成功元素再次注入番曼聯!呢個元素其實好簡單,就係:持久!「我已準備好,嚟緊15年留在曼聯。無錯,點解唔得?雖然我承認呢件唔係易事,因為呢份工好多受壓嘅位,人人都將問題歸咎領隊,而且人人都話球隊目標只有贏聯賽冠軍。但係唔好唔記得,一年冠軍只得一隊,要贏每年都變得更為困難。我要做嘅,就係同球會講我嘅工作係超出球會成績嘅。」

點先可以做到?摩帥話,穩定性一定要行先:「好多年來,曼聯就等如爵爺。大家習慣哂,而且都明白呢個長遠穩定會帶嚟咩結果。之前有莫耶斯、有雲高爾,依家到我教到第二年,我希望我可以長期留效,成就球會希望有嘅穩定性。我會試,不過首先我要表現出我係夠班先得。所以我日日都好努力。」

老老實實,依家做領隊真係唔易,有幾多個可以「長治久安」?而呢個文化,就連摩帥都話好難去改變:「或者你可以取得成功嘅一年,但係下年保唔住就要被叮走。我喺車路士係咁,雲尼亞里喺李城都係咁,仲有好多例子都一樣。今時今日,太多人睇短期喇。我只可以話,費爵爺係唯一、係好獨特嘅,唔可能代替。無人可以留在同一隊波咁長時間,留在同一個聯賽咁長時間。雲加可能有啲近似,不過現代足球而言只有表現出自己價值、取得成功先可以留效。你成功,有得留低;你失敗,就要走。」

所以摩連奴認為,干地、高普、哥帥、雲加,通通都係經過試煉嘅「強者中嘅強者」,已經唔可能搵到更好嘅領隊。而佢哋嘅留效,摩連奴認為係成功嘅必要條件之一,留唔過一季嘅領隊,對於球會嘅成功嚟講只會帶嚟惡夢。作為球迷,你又想唔想見到摩連奴留隊15年?定係想佢留26年呢?
來源:ESPN

如果喜歡我們的文章,請即分享到︰

標籤: 摩連奴  

留言

會員
我要評論
請按此登錄後留言。未成為會員? 立即註冊
  • 閒雲野鶴
    閒雲野鶴 於 19/07/2017 評論 NO. 1

    干地、高普、哥迪奧拿同雲加都係強者中嘅強者,咁普捷天奴要再努力啲先得,摩佬仲係當你嘍囉😁

  • Yong Yuhan
    Yong Yuhan 於 19/07/2017 評論 NO. 2

    希望啦,成日换领队都唔系好事

  • tinchi3721
    tinchi3721 於 19/07/2017 評論 NO. 3

    希望佢得 老實講2-3季換一換教頭都唔係好事

  • Marjill
    Marjill 於 20/07/2017 評論 NO. 4

    泊十五年大巴

快捷鍵:←
快捷鍵:→