摩連奴就返英超…不過唔係教車仔，係教曼聯！

又牙擦，但又好有領軍風範的摩連奴離開咗英超之後，一直都話自己好掛住英超，係國米又咁講，係皇馬都仲係咁講，真係唔知有咩吸引力令佢咁想留係英國！英國太陽報今日又出咗一個嚇死人的消息，話如果今年曼聯再得到三冠王的榮耀，費爵爺就會急流勇退，之後嘅領軍大熱竟然就係費爵嘅歡喜冤家摩連奴！大家一定唔會忘記佢執教車仔時俾咗幾多麻煩紅魔，呢位帶領波圖、國米、皇馬同車仔打入歐聯的牙擦摩帥一向同紅魔打對台，但呢個世界唔會有永遠嘅敵人，如果費爵真係退休，呢個炙手山芋真係唔係人人敢接！咁…難道真係輪到摩連奴？？
其實曼聯都有另一手準備，就係請拖肥糖嘅莫耶斯來執教，不過呢…都係摩連奴級數高啲！更重要嘅係費爵自己都話同摩連奴好好朋友，仲成日一齊吹水，佢好明白摩連奴好想好想返英超，可能今次真係唔係空穴來風！費爵：交俾你得唔得ga??摩連奴：交俾我啦！我幫你捧多幾隻返來！莫耶斯：咁我呢？？我都得ga~~來源：英國太陽報