摩佬:隊長唔會有優待 暗示朗尼對狐狸打後備?

曼聯專區 於 24/09/2016 發表 收藏文章
曼聯啱啱早前先後輸畀曼城、飛燕諾同埋屈福特,錄得3連敗,只係周中英聯盃3:1贏返諾咸頓止血,如果大家有睇報導嘅話,又或者睇波時紅魔迷都有可能諗過,就係覺得隊長朗尼表現唔好,走動慢……同外界將茅頭指向佢身上一樣,更有人認為對李斯特城一戰,要將朗尼放晌後備,畀其他人機會打佢個位,睇下邊個表現好,唔知摩連奴係唔係聽到大家嘅心聲,賽前竟然同外界講隊長唔會有優待,唔通暗示朗尼打後備?

「朗尼係球隊、領隊嘅隊長,亦係球員領袖。但往往因為咁,有時基於佢係隊長,亦向球隊效力咁多年,亦因為領隊好鍾意佢,就算唔係心目人選,往往要落決定揀人時都面對困難。之不過對我嚟講,足球係另一個故仔。晌足球活動上,個個球員都係一樣,我要佢打後備時,就會放佢晌後備席,要佢晌屋企觀戰,就唔會放佢晌大軍名單,但呢個舉動唔代表我對佢唔信任定係有咩問題。朗尼無疑係球隊隊長,不過我肯定佢唔會有優待,佢同其他曼聯球員都係一樣。」

不過另一邊箱,朗尼就話外界批評嘅聲音,對佢嚟講係垃圾,「我只係會聽領隊、隊長同周圍朋友意見,其他嗰啲唔太聽,因為好多都係垃圾。過往咁多年我都係晌場上好努力、保持專注,做到最好向球隊作出貢獻,唔會畀負面言論影響自己表現。」


如果喜歡我們的文章,請即分享到︰

標籤: 曼聯  摩連奴  朗尼  

留言

會員
我要評論
請按此登錄後留言。未成為會員? 立即註冊
  • Wo Yuen
    Wo Yuen 於 24/09/2016 評論 NO. 1

    有時要向現實低頭

  • 返身戰
    返身戰 於 24/09/2016 評論 NO. 2

    可以擺後備一早擺左啦

快捷鍵:←
快捷鍵:→