拜拜! Owen Hargreaves~~ (+ 球員簡介)

曼聯專區 於 22/05/2011 發表 收藏文章
根據英國每日郵報報導,費sir同曼聯已經決定,唔會再同今夏合約屆滿嘅中場夏格維斯續約,報導仲話,呢個決定,可能令到呢位30歲英格蘭中場就此掛靴...

費sir話喇:「呢個對球會嚟講,係一個好艱難的決定,因為球隊上上下下每一個隊醫、以及佢自己本人都好努力去克服傷患,好希望可以康復過嚟,但不幸球隊已做出咗決定,依家只希望佢可以晌其他球會繼續到佢足球事業。」
昔日一手帶佢入曼聯嘅費SIR,都不禁對決定非常可惜...此情今季後將不會再見到...

依家就同大家回顧一下夏格維斯。
細個嘅夏格維斯...

在加拿大出生的英藉球員夏格維斯,16歲到德國,並加入拜仁慕尼黑青年軍,19歲成為一隊球員,在00年8月首次為一隊上陣,晌拜仁慕尼黑渡過咗一個成功的賽季。接下來嘅球季,更成為拜仁慕尼黑的主力球員。而晌效力拜仁期間,夏格維斯在2001年贏得歐冠盃,並且為球隊攞到4次德甲冠軍。
出色嘅表現,令夏格維斯晌拜仁取得成功...
夏格維斯晌拜仁期間,曾同碧咸短兵相接...

佢嘅出色表現,更因此令佢有機會亮相國際賽,當時佢可以選擇代表出生地加拿大、以及展開球員生涯的德國藉,但他最終選擇了代表英格蘭,06年德國世界盃,雖然英格蘭國家隊戰績唔好,但夏格維斯成為咗英格蘭表現最好的國腳。
http://www.youtube.com/watch?v=kkTrhM8S80U&feature=related睇片就知無病無痛嘅夏格維斯,就連C朗都MARK佢唔掂,話過就過...

佢仲因為好表現,吸引咗費sir嘅注意,不惜同拜仁就買賣相討成一年,最終以1700萬英鎊斯,將佢帶入曼聯。
而晌曼聯的第一年,他都幫助咗球隊成為英超同歐冠雙冠王。 但第二個賽季一開始,夏格維斯嘅惡夢開始,膝蓋肌腱舊患復發,令佢直至到依家,都未康復過,就算連隊中各名醫,都幫唔到佢從傷蛇克服過嚟。佢晌加盟曼聯4年嚟,只係為球隊上陣咗39場,包括上季為球隊上陣咗1分鐘和,而今年就晌對狼隊賽事入面正選上陣咗5分鐘。膝傷嘅關係,令費sir同夏格維斯本人非常困擾,仲因為咁,令佢結束紅魔嘅生涯~~
http://www.youtube.com/watch?v=w4stgLPLxFc 對富咸時嘅精彩罰球~~
http://www.youtube.com/watch?v=3vxBONdczBQ當年佢對阿仙奴嘅一個入波,令曼聯贏出關鍵嘅一戰...

後記:如果佢唔係受傷患影響,夏格維斯絕對係英格蘭其中一個出色嘅防守之一,甚至會比現時嘅卡域克同費查更為出色,事關佢防守好,又有長傳遠射,仲有唔錯嘅罰球能力,絕對係一個全能嘅中場。晌度希望夏格維斯及後搵到佢嘅第二春,拜拜...Owen Hargreaves!!!
各曼聯迷,一定會記得你為曼聯嘅付出~~
因傷患,令佢黯然結束紅魔曼聯,離開奧脫福球場...

如果喜歡我們的文章,請即分享到︰

標籤: 曼聯  夏格維斯  

留言


請按此登錄後留言。未成為會員? 立即註冊
    快捷鍵:←
    快捷鍵:→