曼聯將於聯賽盃對陣葉士域治，大家都知聯賽盃睇落易食，實際上堅係強隊墳墓，米爾頓凱恩斯之戰就令曼聯滑鐵盧收場…(係，就係MK Dons) 盃賽出下新人都無可厚非，不過今次唔係新唔新人嘅問題，而係後防真係好大問題，如題，盧祖、麥拿亞齊齊傷無得打…
雲帥就咁講：「我哋要先睇下邊個出得，梳爾一定唔得啦，而修咸頓一役上陣的唔少球員都無得出，好似盧祖就受咗傷。連麥拿亞都受傷，令佢唔可以上陣。係就係情況差咗啲，因為連傷3個後防球員，不過我仍然可以搵齊11個人嘅，放心。不過對盧祖我有啲啲嬲，佢試圖或企圖隱瞞自己受傷，腿筋有問題。麥拿亞問題細啲，不過都係傷。依家咁嘅情況，我應該要放鍾斯喺後備，不過佢真係唔夠fit…可能佢會有30分鐘上陣時間，佢真係好好彩，因為我唔夠人用。」
對於上季敗陣，雲帥真係歷歷在目：「上年第2圈就出局，今年已經知恥近乎勇，擠身第3圈。我哋每個盃都要爭取，應該要咁做先啱。葉士域治係一隊好好嘅球隊，我見過佢哋比賽，分析過，知道佢哋有好好嘅球員，而且好喜歡直接放波畀前鋒，對於防守而言有一定的難度。不過劍橋、普雷斯頓打法都相似，我哋都贏過，唔擔心嘅。」
依家呢個情況，即係鍾斯打正選的機會唔大。咁樣，史摩寧與白蘭特的中堅組合唔拆伙的話，會唔會將達美安移入中路轉打343、3412？定係會拆伙佢哋，留返史摩寧同達美安鎮守中路，白蘭特打左、華倫西亞做臨時工打住右閘先？不過點都好，一定無季初咁穩陣架喇…
雲帥就咁講：「我哋要先睇下邊個出得，梳爾一定唔得啦，而修咸頓一役上陣的唔少球員都無得出，好似盧祖就受咗傷。連麥拿亞都受傷，令佢唔可以上陣。係就係情況差咗啲，因為連傷3個後防球員，不過我仍然可以搵齊11個人嘅，放心。不過對盧祖我有啲啲嬲，佢試圖或企圖隱瞞自己受傷，腿筋有問題。麥拿亞問題細啲，不過都係傷。依家咁嘅情況，我應該要放鍾斯喺後備，不過佢真係唔夠fit…可能佢會有30分鐘上陣時間，佢真係好好彩，因為我唔夠人用。」
對於上季敗陣，雲帥真係歷歷在目：「上年第2圈就出局，今年已經知恥近乎勇，擠身第3圈。我哋每個盃都要爭取，應該要咁做先啱。葉士域治係一隊好好嘅球隊，我見過佢哋比賽，分析過，知道佢哋有好好嘅球員，而且好喜歡直接放波畀前鋒，對於防守而言有一定的難度。不過劍橋、普雷斯頓打法都相似，我哋都贏過，唔擔心嘅。」
依家呢個情況，即係鍾斯打正選的機會唔大。咁樣，史摩寧與白蘭特的中堅組合唔拆伙的話，會唔會將達美安移入中路轉打343、3412？定係會拆伙佢哋，留返史摩寧同達美安鎮守中路，白蘭特打左、華倫西亞做臨時工打住右閘先？不過點都好，一定無季初咁穩陣架喇…
請按此登錄後留言。未成為會員? 立即註冊