小魔傳:連加特的一隊夢 (附其英格蘭u21入球)

曼聯專區 於 24/06/2015 發表 收藏文章
雲高爾話過會小紅魔們去季前熱身賽,亦好想每一年帶一個有潛質的小紅魔上一隊。而當中有機會好好表現一下嘅,當然包括連加特(Jesse Lingard)啦!佢2013年都有跟過曼聯嚟香港,亦有同香港嘅小朋友踢過波,大家對佢應該都唔陌生。而剛剛過去嘅英格蘭u21比賽佢都有好表現,唔知佢有無機會成為曼聯的核心球員呢?

其實佢一早就已經為紅魔鬼上陣過,2014/15球季一開始佢已經為一隊上陣對史雲斯,不過打咗24分鐘就傷退,一唞就唞足幾個月,到15年2月先復出。作為本土球員,佢好想可以為球隊打出好成績:「我好期待可以留在曼聯,打多幾場比賽。打完國際賽我就會聽聽雲帥點講架喇。我總係想為曼聯上陣,呢個亦係我嘅野心。今季季初就受傷真係好唔好彩,如果無傷我真係唔知自己可以行到邊一個地步。」

不過大家放心,佢嘅表現絕對值得上一隊,周日歐國盃u21英格蘭作客瑞典,就係靠連加特一航定江山贏波嘅。85分鐘三獅隊友嘅角球被對方門將一拳打出,身在禁區邊嘅連加特心口一控一射,一個半窩利就收死咗龍門,就咁就取得寶貴3分:「瑞典和波就得,我哋就非勝不可。有嗰個角球真係好好彩,佢去到我面前而我又咁啱空哂,所以我就起腳。我觸球嗰下就知個波會入!呢種入波真係好有幫助,佢增強你profile,令人認為你同曼聯一樣咁難應付,所以係一件好事。我一直都有同雲高爾,及曼聯u21領隊傾計,佢哋都畀好多指引我,畀信心我。」你有信心就得喇!大家等睇你表演架!

連加特艾勝窩利
曾經的香港之旅

如果喜歡我們的文章,請即分享到︰

標籤: 連加特  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→