為拜仁爭戰13載、共上陣536場比賽的小豬舒韋恩史迪加今夏驚天成魔，有唔少拜仁粉絲都肝腸寸斷、哭成淚人，筆者都有朋友一睇到新聞就傷心欲絕…其實都明白，如果平行時空入面31歲傑斯同大家講佢下季轉投巴塞，我諗曼聯球迷的傷心都唔會少。只係小豬接受訪問時，就再一次講述自己想離開的原因。
佢咁講：「我好希望可以在事業上再創另一頁，我知要去另一個地方比賽先可以做到。我有諗過去英超比賽，而曼聯總係我希望去嘅球會。我總係希望可以挑戰自己，喺拜仁我已經贏盡一切，有過難忘時光、亦有過極大的成功，贏過三冠王。在國家隊我又贏過世界盃，是時候要有改變了。2010年我有個機會走架，不過我未準備好，因為我想同拜仁一齊攞歐聯。依家我感覺自己值得去感受一下新事物，所以現在離開是最完美的時間了。可以為曼聯上陣真是一大榮光。」
而對於曼聯，佢認為紅魔鬼有能力可以奪冠之餘，亦對雲高爾的栽培表示好感激：「我知道要奪得英超唔易，因為呢到有好多好好嘅球隊。不過我認為只要隊友一齊努力、相信大家，咁就有機會可以做得到。我知唔易，不過我哋更清楚可以為己隊帶來啲咩。我哋要先說服自己，並向目標繼續努力。雲高爾對當時的拜仁好重要，嗰時佢睇過我打中場，佢好喜歡，並讓我擔任6號、8號，甚至係10號位置，我認為我嗰時打得幾好架。佢第一年來到拜仁我哋已經差啲攞三冠王，只係歐聯輸畀國米。之前曼聯只得第7，雲帥來到就上返第4，而且季初頭10場比賽只得13分。由那一天開始，球隊就開始享受一個好好嘅球季了。所以我認為曼聯越來越有機會，有咁偉大嘅球隊同球迷，今季我哋一定可以成就一啲成果。我當然想挑戰自己，不過我更想贏錦標。」
小豬的英超處子比賽對熱刺上陣共31分鐘，表現可謂不過不失啦，交出23個傳送、87%的成功率，即係有20腳交到架，不過都有張黃牌…雲高爾講過，小豬其實未係fit，而且都要畀啲時間佢好好適應下嘅。唔知佢可唔可以在英超發光發熱呢？睇嚟要畀多幾場佢證明自己先得喇！
https://www.youtube.com/watch?v=UlbDB9AfWNQ
佢咁講：「我好希望可以在事業上再創另一頁，我知要去另一個地方比賽先可以做到。我有諗過去英超比賽，而曼聯總係我希望去嘅球會。我總係希望可以挑戰自己，喺拜仁我已經贏盡一切，有過難忘時光、亦有過極大的成功，贏過三冠王。在國家隊我又贏過世界盃，是時候要有改變了。2010年我有個機會走架，不過我未準備好，因為我想同拜仁一齊攞歐聯。依家我感覺自己值得去感受一下新事物，所以現在離開是最完美的時間了。可以為曼聯上陣真是一大榮光。」
而對於曼聯，佢認為紅魔鬼有能力可以奪冠之餘，亦對雲高爾的栽培表示好感激：「我知道要奪得英超唔易，因為呢到有好多好好嘅球隊。不過我認為只要隊友一齊努力、相信大家，咁就有機會可以做得到。我知唔易，不過我哋更清楚可以為己隊帶來啲咩。我哋要先說服自己，並向目標繼續努力。雲高爾對當時的拜仁好重要，嗰時佢睇過我打中場，佢好喜歡，並讓我擔任6號、8號，甚至係10號位置，我認為我嗰時打得幾好架。佢第一年來到拜仁我哋已經差啲攞三冠王，只係歐聯輸畀國米。之前曼聯只得第7，雲帥來到就上返第4，而且季初頭10場比賽只得13分。由那一天開始，球隊就開始享受一個好好嘅球季了。所以我認為曼聯越來越有機會，有咁偉大嘅球隊同球迷，今季我哋一定可以成就一啲成果。我當然想挑戰自己，不過我更想贏錦標。」
小豬的英超處子比賽對熱刺上陣共31分鐘，表現可謂不過不失啦，交出23個傳送、87%的成功率，即係有20腳交到架，不過都有張黃牌…雲高爾講過，小豬其實未係fit，而且都要畀啲時間佢好好適應下嘅。唔知佢可唔可以在英超發光發熱呢？睇嚟要畀多幾場佢證明自己先得喇！
https://www.youtube.com/watch?v=UlbDB9AfWNQ
請按此登錄後留言。未成為會員? 立即註冊