雲高爾對於曼聯的鋒線真係有自己諗法，雲佩斯、法卡奧都離隊之後，大家都認為佢會買返個前鋒，不過佢自己亦親承就算買唔到，佢都有第二手準備：「小豆會在7月25日會合我哋，佢可以再一次證明自己係掂嘅。依家雲佩斯、法卡奧都走咗，佢上陣機會又大咗。」不過雲帥你又真係玩嘢嘅，將小豆邊緣化嘅又係你，不過同時間你又同佢清哂條路噃！上季賣走韋碧克，今季又清洗前鋒，家下得返朗尼、威爾遜同小豆，如果真係無新前鋒嚟到，小豆就可以係曼聯前鋒第二把交椅！咁仲唔係機會？
而朗尼，亦好正常咁成為曼聯攻擊線的核心之一。雲帥真係好聽人講架：「我哋仲有朗尼，佢可以打前鋒我知，而且傳媒不斷提醒我佢最啱打前鋒。好啦，我聽大家講。小豆同威爾遜都可能架，又或者可能有一位『特別的前鋒』會加盟呢？」而季前熱身第一場比賽之後，新陣都要啲新調整，新將迪比就話佢應該夾到朗尼咁話：「朗尼教我好多，佢同我傾計，話我知我應該點走位、同幾時去防守。我哋夾得幾好，同佢合作好有感覺。領隊都祝賀我嘅首戰，佢都替我開心。佢期望我交出功課，所以我會努力。呢場比賽我交咗幾腳波，不過我對自己要求仲多。我會專心啲，訓練多啲！」
迪比喺呢場比賽入面反而打咗10號仔嘅位，朗尼就打單箭頭，如果呢個位打得好，佢又會唔會繼續呢？咁前面又會打朗尼、小豆雙箭頭，定係朗尼單天保至尊呢？不過咩情況都好，小豆嘅機會真係會比上季多，今次機會真係嚟喇！
而朗尼，亦好正常咁成為曼聯攻擊線的核心之一。雲帥真係好聽人講架：「我哋仲有朗尼，佢可以打前鋒我知，而且傳媒不斷提醒我佢最啱打前鋒。好啦，我聽大家講。小豆同威爾遜都可能架，又或者可能有一位『特別的前鋒』會加盟呢？」而季前熱身第一場比賽之後，新陣都要啲新調整，新將迪比就話佢應該夾到朗尼咁話：「朗尼教我好多，佢同我傾計，話我知我應該點走位、同幾時去防守。我哋夾得幾好，同佢合作好有感覺。領隊都祝賀我嘅首戰，佢都替我開心。佢期望我交出功課，所以我會努力。呢場比賽我交咗幾腳波，不過我對自己要求仲多。我會專心啲，訓練多啲！」
迪比喺呢場比賽入面反而打咗10號仔嘅位，朗尼就打單箭頭，如果呢個位打得好，佢又會唔會繼續呢？咁前面又會打朗尼、小豆雙箭頭，定係朗尼單天保至尊呢？不過咩情況都好，小豆嘅機會真係會比上季多，今次機會真係嚟喇！
請按此登錄後留言。未成為會員? 立即註冊