小豆：我幾乎放棄足球！

唔係呀嘛？小豆唔想踢波？原來佢係講緊未加盟曼聯之前！原來佢嗰時成日都被人投閒置散，坐好多冷板凳架。佢咁講：「三年前左右啦，我真係好迷茫，諗好多問題，甚至質疑神係唔係要我行呢條路！(大家一定記得佢出陣之前一定會跪係中場位置祈禱，咁誠心都質疑，可見佢有幾慘！)

求求你俾我落場啦！

之前喺墨西哥打波好慘，成日都無得上陣要做後備…呢種挫敗感真係好大，令我好失望好唔開心，甚至諗過一世唔再踢足球！不過好彩，我父母啦、祖父母，仲有我生命中兩個好重要嘅女孩子：我家姐同我女朋友都同我傾呢個問題，而佢地都一致認為我應該繼續努力踢波。呢個經驗真係幫我好多！」

你都聽唔到，我惟有去曼聯啦！

3年前仲諗緊好唔好繼續踢波嘅小豆，唔單止上季幫曼聯入咗20球，仲剛剛於上個月同曼聯簽咗一紙5年長約，真係好似坐過山車一樣呀！不過講起踢波，佢都有嘢驚，就係驚傷！佢話：「無論咩情況之下，受傷都係好可怕嘅！我最驚就係頭痛，喺墨西哥試過兩次同其他球員頭撞頭，真係好痛！而令我季初無法上陣嘅又係關頭事…嗰下我諗住接應隊友一個好大力嘅斬波，佢飛得好快，我計錯佢嘅飛行路線，個波好大力撞落我後尾枕到，所以我暈暈下….不過我有呢種傷嘅經驗，我知徵狀係點，亦知道我會好快好返。」

小豆你千祁要小心啲呀！傷頭真係可大可少！不過你頭鎚咁勁，叫你唔好頂波又浪費哂噃…好矛盾呀！你又點諗呢？

來源：衛報
求求你啦！我唔想傷呀！我要入波！
因為我真係好怕受傷架...雖然我未係容易受傷的男人...(奧雲：你講我呀？？)