(對韋斯咸賽後語)雲高爾：朗尼應該紅牌!

周六曼聯主場對韋斯咸嘅比賽，曼聯憑朗尼同雲佩斯入波，一度領先2-0，不過斯咸之後一個角球攻勢追番一球完上半場，下半場隊長朗尼一次不智犯規紅牌出場，好在最後全隊都可以守得住個勝果，保得住2-1完場。賽後領隊雲高爾好坦白講，朗尼嗰下動作，應該要紅牌。

雲帥就講喇，「朗尼紅牌之後，我們目標就係要為勝利而戰。我已經同一眾隊員說過，今天你哋表現得到回報，因為一直戰鬥到最後一刻。」

59分鐘朗尼一下舉腳過高阻止唐寧作出反擊，令自己直接領紅牌出場，呢個行動令紅魔形勢變得更為被動外，亦有啲令主場球迷不滿。雲帥賽後表明理解朗尼當時想法，但就唔太理解朗尼呢下動作，「我可以想像到佢點解佢會咁樣做，但我覺得佢可以做得更好一點。呢個係我唯一想對朗尼講嘅事情。你問我呢個動作係唔係應該要拿一張紅牌，我諗大家都見到喇，我認為球證可以俾紅牌。晌正式比賽入面，每個球員都有機會犯這種錯誤，但我睇到韋斯咸都有做到同樣動作，但就得不到同朗尼一樣嘅懲罰。」

雲高爾其後仲講到認為槌仔幫嘅入球喺無效，佢認為對手衝撞門將在先，「球隊因角球失波，但問題先應該問，韋斯咸進攻球員有無犯規動作，因為晌門將保護區內嘅迪基亞受到衝撞。即便艾馬菲達奴第1次冇衝撞迪基亞，但緊接佢又衝撞迪基亞，呢個就係點解迪基亞會躺晌地上未能撲救嘅原因。我哋上半場表現踢得非常漂亮，我認為球隊表現好好，但呢個失波就係一個遺憾。」
最後雲帥亦都有感謝球迷：「球迷表現總是令人難以置信，今日佢哋又令球隊有難以置信嘅表現，一直支持我哋。今戰贏波，球隊好高興，事關在李斯特城一戰輸波後，我哋需要勝利。今場同上場上半場一樣，我哋表現得非常好，我哋需要將呢種表現延續至90分鐘。」