(對車路士賽後語) 費sir:球員累透了 仲未出局真係好好彩!

曼聯專區 於 11/03/2013 發表 收藏文章
足總盃8強賽事,曼聯晌主場2-0領先嘅情況下被車路士追平,令兩隊要擇日晌史坦福橋進行重賽,賽後費sir表示疲勞係曼聯痛失大好形勢嘅主要原因
華倫西亞今場表現真係好令人失望!

兩隊周中都有歐洲賽事,曼聯晌歐聯戰線對皇家馬德里,至於車路士就作客羅馬利亞出戰歐霸賽事,當然曼聯晌比賽難度上會係大好多。費sir就話喇:「我哋仲可以晌足總盃賽事到角逐,已經非常幸運。場上球員都已經跑到腳都斷喇,車路士的確下半場表現更好嘅一隊。但係我係唔會批評我嘅球隊,因為晌周二晚上,對皇馬呢支真正頂級球隊時,佢哋已經盡咗全力,這影響到今天呢個結果,這一點係毫無疑問。」

「拉菲爾同艾夫拿呢場波都好疲勞,而兩名中堅亦都好累,令到我哋下半場失咗兩球,更令我感覺到今天嘅時間過得很慢,事關個波晌我哋禁區裡出去之後,好快又返番去我哋嘅禁區。」

曼聯今場波其賽一開局開得好好,前11分鐘就由小豆和朗尼連入兩球,費sir就認為球隊原本有機會晌上半場就鎖定勝局:「我們晌上半場前25分鐘本來就有機會領先4-0。兩名前鋒今年嘅入球數字都很多,呢球係朗尼今季第15個入球,亦係小豆第16個入球。但球隊其實需要有咁樣嘅領先優勢(4-0),因為咁先可以令我晌半場結束後進行換人調整,趕晌球員跑不動之前就換人。」

下半場車路士換入夏薩特,最終改變了戰局,佢夾出一個助攻及一個入球,對此費sir就話:「或者車路士認為佢哋改變了比賽,如果進行咗換人並且起到作用嘅話,咁當然可以咁樣講喇,但坦白講話,我認為完全係因為我們筋疲力盡了。

「因為球員們不停交失波,我就知球員已經好疲勞。我認為周二被淘汰後嘅情緒,以及體能上嘅問題都影響到了一班球員,呢個係可以理解,我不會因為咁而去批評什麼,球員應該晌下半場亦都感受得到。」

車路士晌第90分鐘差少少就絕殺曼聯,最終多得迪基亞嘅神奇撲救,挽救咗曼聯,對此費sir就話喇:「嗰次係一個了不起嘅撲救,因為如果佢哋入到波,咁我哋就會被淘汰,這點係毫無疑問。費sir更話重賽唔係問題:「重賽對我們嚟講冇咩問題,我們有充足嘅時間備戰,因為我們已經晌歐聯戰線上出局。」

如果喜歡我們的文章,請即分享到︰

標籤: 曼聯  車路士  足總盃  費格遜  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→