(對利物浦賽後語)費sir:早就應該領先3-4球喇! 韋碧克係今場最佳!

曼聯專區 於 14/01/2013 發表 收藏文章
曼聯最終2-1擊敗咗利物浦,曼聯上半場打得好好,有多個入球機會,但都以1球領先,下半場當客軍換入史杜列治後,對手走位多咗,拉開曼聯防線,而當佢哋追番一球之後,開始被客軍壓住中場,幸好曼聯最終防守感夠保持勝局。多位睇波嘅球迷,一定有啲對韋碧克有微言,感覺佢浪費好多入波機會,之不過費sir就唔係咁睇,仲話:「韋碧克係man of the match! 」

費sir:
「雙紅會嘅比賽永遠都充滿激情,好開心能夠贏波而回。球隊上半場表現好好,控制住中場,下半場當佢哋追番一球之後,曼聯顯然有啲危險,最後三四分鐘佢哋仲向禁區內堆積好多球員,但最終都贏波而回,我好滿意。」

我認為今場波贏波好緊要,唔理對手係排晌聯賽榜咩位置,因為曼聯同利物浦兩支咁歷史悠久嘅球隊碰頭,永遠都充滿挑戰性,三分對我嚟講,係非常非常非常之重要。

之後費sir又認為上半場香川真司晌禁區有被利物浦後衛韋斯頓推跌,應該要有12碼,另外仲有讚一位紅魔有跑不完嘅氣力,佢就係——韋碧克喇!

「第一位入波組織非常好,而雲佩斯亦射得好靚,上半場球隊有多個機會,應該可以領先3-4球,另外,香川真司晌禁區有被對手推跌先阻到拉爾拿,韋比應該要判曼聯一記12碼。至於韋碧克今場表現的確係非常之好,佢全場壓迫對手,令對手陷入苦戰,佢同雲佩斯尤其晌上半場,令對面兩個中堅踢得好艱辛,我之所以出韋碧克,就係我想全隊波嘅球員都可以壓制對手嘅中場,他做得好好,今日佢跑不完嘅氣力,佢對腳應該就嚟跑斷喇,就係佢呢個表現,我覺得佢應該係man of the match」

講到第二個入波,佢盲直言艾夫拿個波判咗俾維迪入,佢有啲失望:「我未再去睇過個入波,但我認為維迪係有少少改變方向,但呢球之後,曼聯好快就失番波,球隊應該要有球員走上前清波,唔應該俾史杜列治咁容易執雞。」
艾夫拿最後呢球都計維迪入!!

雲佩斯:
「球隊今場絕對值得贏波,球隊第一球波組織得好好,卡域克、韋碧克、卡華利同香川都分別掂個波一齊組織,艾夫拿最後出波亦都好靚,令我好容易輕鬆射入。曼聯今周多場硬仗,好多人都好擔心球隊表現,但幸好贏波而回,球隊上半場應該入多過一球。下半場利物浦換入多名攻擊球員,曼聯受到壓力唔細,球隊上下繼續一對一mark人,防守方面守得住,令球隊獲得最後勝利。」

及後雲佩斯都讚韋碧克:「韋碧克今場波打得好好,佢嘅交波同走位,對第一個入波好大貢獻,另外佢今場當球隊有咩錯誤,佢都搶番個波返嚟,亦有多次推波都做得好好。佢有好大潛能,訓練時亦表現得好好,佢依家仲好後生,好多時間進步,佢晌場上嘅投入感表現出佢好鐘意足球。」

如果喜歡我們的文章,請即分享到︰

標籤: 利物浦  曼聯  

留言


請按此登錄後留言。未成為會員? 立即註冊
    快捷鍵:←
    快捷鍵:→