安達臣離場需吸氧氣

前曼聯球星安達臣，返回巴西國際體育會效力後，首戰就被影到佢主射12碼唔入，點知第2次被傳媒注意嘅，竟係比賽中段被揍出而需吸氧氣。佢代表國際體育會踢南美自由盃時正選上陣，不過36分鐘就被換出，返回後備席後要職員隨即拿出氧氣筒。

一來今次比賽喺3.6公里海拔嘅拉巴斯地方舉行，安達臣有高原效應都好正常，之不過另一方面證明出佢身體狀況似乎仍未去到好嘅比賽狀態，佢仲要好花心機好好操FIT自己先得。加油喇，安達臣，話晒都係前歐洲金童獎得主，希望下次傳媒注意到嘅係佢入波喇!
https://www.youtube.com/watch?v=S4Og5TpeH_s