如果呢隻熊貓返曼聯…??

曼聯專區 於 10/01/2017 發表 收藏文章
呢一隻熊貓係邊個?佢其實喺曼聯到打過8年,拎過5次英超冠軍、歐聯又拎過,里奧前幾日仲同佢講,如果「熊貓」想的話,佢可以幫佢鋪橋搭路返曼聯咁話!佢係邊個?我哋都係先畀熊貓露一露面先啦!
https://www.youtube.com/watch?v=KfQjLiW9d58
之所以艾夫拿要扮熊貓,因為佢要同大家講,做人要做熊貓!因為佢又「黑」、又「白」,但偏偏係「亞洲」出世噃!喻意大家唔好種族歧視,要好似熊貓咁大愛!

至於佢係唔係返嚟曼聯喇wor,其實以一位35歲嘅球員嚟講,要佢再爭戰曼聯其實唔係一件易事。不過,佢真係返嚟的話,對於之後嘅曼聯確有一啲好處。首先作為一個風趣幽默嘅人,再加上精通幾國語言,艾夫拿其實可以充當另一個更衣室核心。你睇佢扮熊貓就知佢有幾得意啦!再講,佢加盟的話,對於曼聯陣中的法國幫而言係好有幫助,普巴自己就曾經同大家講佢當艾夫拿係叔叔一樣,pat叔叔仲因為普巴唔執locker就離開祖記,寸佢話係唔係要我幫你執手尾!更進一步,如果曼聯真係希望引入基沙文呢位法藉球星,仲可以叫艾夫拿同馬迪爾佢哋幫下口添。

而艾夫拿另一個可貴的地方在於經驗,5次英超真係唔係講笑。如果佢返嚟,即使只係打一季,佢都可以成為一個好好嘅後備球員,甚至係盃賽做正選領軍。再遠啲,佢返嚟曼聯掛靴的話,亦可以成為曼聯的教練團之一,始終佢都係「根正苗紅」,有佢幫手再夾卡域克等等紅魔舊將,絕對可以延續曼聯同埋爵爺嘅傳統,亦可以令傑斯有更大的誘因返嚟曼聯成為下任魔頭。

咁當然啦,曼聯陣中有唔少左閘,梳爾、盧祖、白蘭特,連達美安都可以打左閘,真係多一個艾夫拿唔多。不過作為球場以外的利處睇的話,佢返嚟都未必係壞事。而且當年艾夫拿離開曼聯其實有啲唔情願,佢講過:「要我諗返當年離隊依然係有啲hard feeling。我掛靴之後,我會更開心見誠咁傾嗰時發生過咩事。我去祖記好大原因係為咗家庭,因為我嘅續約條款入面係包咗一啲嘢,令一切都改變哂。雖然令我好唔開心,不過我無後悔離開。」所以話,我哋真係仲欠艾夫拿一啲人情架。如果佢真係喺祖記唔開心,接返佢返嚟都合理,係唔係?
基沙文XD
標籤: 艾夫拿  

留言


請按此登錄後留言。未成為會員? 立即註冊
    快捷鍵:←
    快捷鍵:→