大膽!梳爾大爆曼聯下季戰術部署?

曼聯專區 於 23/07/2019 發表 收藏文章
球季都未開始就「戰術流出」?咁咪好大鑊?咁大家又放心,雖然梳爾都「曝光」咗唔少蘇B嘅戰術部署,但有啲嘢你知道咗都擋唔到嘅!尤其係今次梳爾講嘅,係曼聯如何「大變身」!

先聽聽佢點講:「大家期待今季的全新曼聯吧。領隊蘇B將好多新概念帶入咗球隊,有助球員適應,打出佢想要嘅戰術。我哋練習咗好多,學習點樣聰明地壓迫對手,要喺咩時候進逼,咩時候做正確決定。另一個演繹就係『如何保持控球在腳』,蘇B想我哋由後防開始組織進攻。佢俾咗一啲規則我哋,指引我哋幾時殺入禁區,而訓練課中已經開始練習緊呢套方式。做到嘅話,我哋就可以控波多啲,以強隊勁旅嘅比賽方式作戰。我哋好想贏波,不過要先贏到控球先。蘇B好注重控球、好注重由後防開始組織,呢啲都係上季我哋做得唔夠好嘅地方。」

唔止佢,有另一位球員都有提到球隊嘅改變,佢就係安祖高美斯:「大家喺熱身賽見到嘅,正正就係我哋練緊嘅新戰術。我哋好努力,要由第一點開始做壓逼,要製造更多入球機會,要攻入更多入波。而呢個戰術係基於某一類型嘅球員,佢哋要快速、直接,機動性高;同時我哋全隊都要壓前,主宰球賽。」

基於呢個原因,大家就知蘇B點解要買丹尼爾占士呢類球員。佢又快又有侵略性,雖然睇頭幾場比賽都多甩漏,但進攻嘅心態好明顯,而且有咩空位就會選擇壓前,提供多幾個攻擊點。而新嘅陣式亦都係希望增加更多攻擊元素,英媒估計曼聯好有機會以4231陣式為主調,以擅長高速盤扭嘅馬迪爾作為單箭頭,輔以左路福仔、右路占士嘅高速入楔,以多種方式拉散對手防線。而中間嘅連接,就好適合啱啱續咗約嘅馬達做喇。咁當然呢個位都可以俾後上嘅普巴發揮啦。各位曼迷,你哋又點睇呢套曼聯新戰術呢?

如果喜歡我們的文章,請即分享到︰

標籤: 梳爾  

留言

會員
我要評論
請按此登錄後留言。未成為會員? 立即註冊
  • 輝少
    輝少 於 24/07/2019 評論 NO. 1

    轉過頭 蘇b就比人炒

快捷鍵:←
快捷鍵:→