大帝簡東拿參選法國總統??(有影片~)

曼聯專區 於 11/01/2012 發表 收藏文章
係呀!傳聞真係咁講!簡東拿已經去信不同的法國公職人員,希望得到500個簽名支持,而呢個數喺法國政治入面係好特別嘅,因為要成為總統候選人正正要得到500個公職人員簽名,成為佢嘅提名人!究竟佢係唔係真係選總統呢?大帝形象深入民心,佢做法國總統都幾有霸氣噃!
呢啲咪霸氣囉!

不過睇真啲,原來只係傳媒嘅猜測,簡東拿要呢500個簽名其實係想政客們支持一個名為阿貝‧皮埃爾基金會(Foundation Abbe-Pierre)嘅慈善組織,呢個組織係為法國嘅貧窮人士發聲,而今次的目標係針對法國嘅住屋問題嘅。其實真係幾慘架,法國有1千萬人因為「法式公屋」唔夠而無瓦遮頭,唔怪得知大帝都要開口啦!佢仲喺信入面提到,佢作為一個法國普通公民(你都叫普通呀??),我認為有責任同必要喺國家面臨決擇之時,起來為民眾的利益發聲,為貧窮人士爭取最多的資源。哇!如果香港都有個簡東拿就好喇!

不過唔好睇少呢啲政壇程咬金,1980年時喜劇明星寇路許(Coluche)提出參選,民調話佢吸咗16%的票!最後佢無選到,不過如果簡東拿真係選的話,隨時吸夠20、30%的票,咁都幾大件事!不如大帝真係諗下選啦!
比起爵爺,大帝真係幾型架!
大帝幫「缺宅法人」拍的宣傳影片~

如果喜歡我們的文章,請即分享到︰

標籤: 簡東拿  法國總統  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→