曼聯作客0-2不敵奧林匹亞高斯，再創紅魔歷史，首次在歐戰輸俾希臘球隊。咁嘅情況下當然係親者痛，仇者快啦，不過有一位人兄就真係唔知佢諗咩，究竟佢係真曼聯粉定係叛逆魔軍呢？講緊嘅係曼聯前隊長堅尼。
呢個故仔，要先去到卡域克身上再返來。輸波之後卡域克接受訪問，佢表示球隊返到主場仲有反勝機會：「比賽令人好失望，但返到奧脫福我哋仍然有機會晉級嘅。本來真係好希望贏呢一場波，但係無。無論如何，仲有機會，只不過前景不樂觀。」老老實實，呢個答案真係幾行、幾無point，同莫帥的講法真係一時瑜亮。
聽完之後，堅尼就忍唔住了：「卡域克嘅答案就同曼聯今天嘅表現一樣，平庸！實質啲好唔好？應該講啲更緊迫、更重要嘅嘢。答呢啲無用答案，同今日曼聯比賽時一樣，無節奏、無生氣，平庸至極。呢班人仲可以大刺刺咁不斷講『哦，仲有下一場，仲有下一場』，以呢個級數睇嚟就知好隊員都唔會有下一場，醒醒啦！」
件事未完架，卡域克老婆阿Lisa麗莎聽完到佢嬲爆，仲喺推特反擊：「堅尼正正就係一個xxxx(原裝版本嚟架！XD) 亂講當秘笈，只想挑起外間的反應。我無嘢好講，就咁。」而麗莎好快就意識到自己言論出咗事，好快就刪除咗呢條推特，又發多一條解釋：「刪除上一條推特，因為發post時一時衝動，我太沮喪了。」
以事論事啦，卡域克又真係無咩火氣嘅，答問題時好似今場曼聯和波多過似輸兩球，就連球場上表現都係一樣，霸氣全無、一啲攻擊力都無，佢同卡華利嘅「無限橫傳」已經成為新曼聯的一大特色。難怪堅尼睇唔過眼，要知佢未必有簡大帝咁好波，不過火氣隨時勁過佢，足球喺佢眼中係激情嘅運動，花拳繡腿、以為自己去舞會嘅打法絕對會激嬲堅尼。
唔好睇少一團火，依家嘅曼聯惟一可以返生嘅契機，就只係望有呢團火架咋，你睇陣中，迪基亞太乖唔鍾意喝醒隊友；里奧、維迪太靜太斯文；卡域克直情係收埋收埋；楊格、華倫唔係人，打法同機械一樣無生氣…最有火嘅只有雲佩斯同朗尼，一個有火但只可以賽後鬧隊友；一個無態、隱形兼為自己份長約沾沾自喜中，咁嘅一隊曼聯無火、無狀態、無目標、無隊形，堅尼真係鬧得啱…只係，佢鬧係因為佢心痛？定係幸災樂禍？筆者其實認為係後者居多…
反曼人，攞去慢慢J
呢個故仔，要先去到卡域克身上再返來。輸波之後卡域克接受訪問，佢表示球隊返到主場仲有反勝機會：「比賽令人好失望，但返到奧脫福我哋仍然有機會晉級嘅。本來真係好希望贏呢一場波，但係無。無論如何，仲有機會，只不過前景不樂觀。」老老實實，呢個答案真係幾行、幾無point，同莫帥的講法真係一時瑜亮。
聽完之後，堅尼就忍唔住了：「卡域克嘅答案就同曼聯今天嘅表現一樣，平庸！實質啲好唔好？應該講啲更緊迫、更重要嘅嘢。答呢啲無用答案，同今日曼聯比賽時一樣，無節奏、無生氣，平庸至極。呢班人仲可以大刺刺咁不斷講『哦，仲有下一場，仲有下一場』，以呢個級數睇嚟就知好隊員都唔會有下一場，醒醒啦！」
件事未完架，卡域克老婆阿Lisa麗莎聽完到佢嬲爆，仲喺推特反擊：「堅尼正正就係一個xxxx(原裝版本嚟架！XD) 亂講當秘笈，只想挑起外間的反應。我無嘢好講，就咁。」而麗莎好快就意識到自己言論出咗事，好快就刪除咗呢條推特，又發多一條解釋：「刪除上一條推特，因為發post時一時衝動，我太沮喪了。」
以事論事啦，卡域克又真係無咩火氣嘅，答問題時好似今場曼聯和波多過似輸兩球，就連球場上表現都係一樣，霸氣全無、一啲攻擊力都無，佢同卡華利嘅「無限橫傳」已經成為新曼聯的一大特色。難怪堅尼睇唔過眼，要知佢未必有簡大帝咁好波，不過火氣隨時勁過佢，足球喺佢眼中係激情嘅運動，花拳繡腿、以為自己去舞會嘅打法絕對會激嬲堅尼。
唔好睇少一團火，依家嘅曼聯惟一可以返生嘅契機，就只係望有呢團火架咋，你睇陣中，迪基亞太乖唔鍾意喝醒隊友；里奧、維迪太靜太斯文；卡域克直情係收埋收埋；楊格、華倫唔係人，打法同機械一樣無生氣…最有火嘅只有雲佩斯同朗尼，一個有火但只可以賽後鬧隊友；一個無態、隱形兼為自己份長約沾沾自喜中，咁嘅一隊曼聯無火、無狀態、無目標、無隊形，堅尼真係鬧得啱…只係，佢鬧係因為佢心痛？定係幸災樂禍？筆者其實認為係後者居多…
反曼人，攞去慢慢J
請按此登錄後留言。未成為會員? 立即註冊