執法問題接二連三,大球隊受惠?

曼聯專區 於 10/04/2012 發表 收藏文章
上星期的英超執法問題連連,不單止令球迷睇得無癮、而且引發大眾討論。先有車路士的兩球越位入球都被判有效;再有巴洛迪利收山連環腳都無被趕出場,要到比賽尾段真係太多犯規先被紅牌;當然亦少不免曼聯對QPR一仗楊格越位在先,沙恩戴利犯規在後卻換來12碼加紅牌的過嚴判決。就好似何輝所言:「本周談的不是比賽,而是英超球證的低劣表現…英超近十多年水漲船高,球證薪酬直線向上,但高薪、高福利不代表水平依比例提升…過去周末,英超球證的表現可謂慘不忍睹…」
呢個12碼唔單止殺死QPR,仲殺死咗場波...趕咗個之後場波好悶,無哂火
無紅牌,場波一定仲好睇

賽後曉士亦表明,呢個星期嘅球證表現令人無哂信心:「大家對球證的要求好正常,在關鍵時刻做到100%公正、肯定判決正確先吹哨。不過呢個星期太多問題出現,人人都係『希望』、『估』啲球證會判得啱。我認為好多領隊對佢哋已經失去信心。我知道球證唔係特登錯判,不過好明顯有改善的空間,執法水準有必要提高。」
無踢到你收山嘛?無事嘅
俾得遲咗噃

曼聯球迷一直都聽唔少其他人的單單打打,話我哋打多個呀、又咩4424陣式,筆者其實真係好反感。球證嘅執法水準下降,錯判、有爭議的判決總會有球隊「受惠」,如果咁都歸納為球隊嘅錯,好多球隊都要被責難。好似車仔2球越位入波,就係佢哋收買球證?巴神又用咩影響咗球證,令自己唔駛早早領紅?如果咁睇,對紐卡素時里奧出腳準都要被判12碼,唔通又係喜鵲買通球證?要令一眾大球會唔好再蒙上不白之冤,應該要做嘅係加入底線球證、引入NBA式的即時重播賽事再作判決等等。請不要再將球證的錯誤轉嫁球會身上了。
又唔見有人話車仔打4424?

如果喜歡我們的文章,請即分享到︰

標籤: 曼聯  車仔  曼城  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→