域陀華迪斯:want a new challenge!

曼聯專區 於 09/01/2015 發表 收藏文章
球場怪事唔少,而且好多都係「集體搞怪」,單睇最近各豪門門將就知,人人都有2位世界級「神龍」在陣:車仔有高圖爾斯同施治,皇馬有基羅拿華斯同「聖卡西」卡斯拿斯,拜仁有紐亞同連拿,曼城都有赫特同阿根廷守門員韋利卡巴尼路。球場得一個龍門,點解要兩個龍門呢?筆者都解釋唔到,不過雲高爾好明顯都想要兩個世界級龍門,於是將門下域陀華迪斯帶來曼聯,呢個消息醖釀已久,不過成真時真係都幾令人吃驚…

佢嘅好朋友連拿講過,VV可能係巴塞最好的龍門之一;小白都講過佢係number 1,因為佢其實真係好勁下(近年嚟講),睇數字佢為巴塞上陣521場、十幾年來得過21個錦標,包括6次西甲、3次歐聯、6個西班牙超級盃、2個國王盃、2個世界冠軍球會盃,2個歐洲超級盃…其實咁好的老臣子,要放佢走真係令人心傷…

不過其實VV 2012年已經萌生去意,同傳媒講自己有啲想走,當時大家認為佢只係草裙舞緊,無諗過佢真係想走,想真係要新挑戰、想看新事物,更加同人講自己「去意已決」。粉絲們對此「接受唔到」,因為佢同隊友相處無問題,又打出水準,真係無必要走。不過佢自己嘅講法,令人感到佢真係悶喇:「我好喜歡英超球迷對足球的尊重,佢哋以另一種方式演活了足球。在英格蘭,一腳清脆攔截已經可以得到球迷的掌聲,西甲球員真係唔慣咁熱情!我真係好愛呢啲球迷。在蘇格蘭作賽都係架,好似去咗另一個世界咁。我對過流浪、對過些路廸,比賽時放眼看、聽下,你會聽到好勁嘅打氣聲,你會諗:『哇,真係好amazing,氣氛真係無得彈!』」
就係咁,佢希望去英國,於是放棄咗祖記的邀請;至於利物浦?曼聯呢邊有舊主雲高爾,又有舊朋友龍門教練荷爾克(Frans Hoek),最後就做咗呢個決定,簽咗張印住曼聯會徽嘅合約,成為紅魔鬼最少18個月。佢嘅嚟到,大家最擔心嘅當然係迪基亞走啦!不過以連迪加特今季一場都未上過陣的數字看來,似乎係佢想走多過迪基亞想走…喺呢到歡迎域陀華迪斯來投之餘,亦希望曼聯成功續約迪基亞,往後就由兩隻狂牛嚟守住我哋個龍啦!
之後我哋呢班牛牛玩哂!
標籤: 域陀華迪斯  

留言


請按此登錄後留言。未成為會員? 立即註冊
    快捷鍵:←
    快捷鍵:→