國米對曼聯賽後語：暫時雲帥最滿意一戰 精選

雲高爾帶領的曼聯已經經歷了三場比賽，對銀河大勝、對羅馬險勝，而對國米更加要和波，打到十二碼先分勝負。不過比數當然唔係雲帥最著眼的地方啦！完咗比賽之後佢就表示對今場比賽非常滿意呀！

佢咁講：「我好滿意，我諗今場係3場熱身賽中打得最好嘅。對手只係中過龍一次，仲要係自由球機會；相反我哋就製造了6到7個機會，單以機會而言係7比1。對控球權我都好滿意，比另外兩場好好多，而且不同位置上亦有足夠的人手。所以上下半場我都好滿意一班球員的表現。」下半場雲帥總共換咗成8個人，真係話係另一隊波都不為過架！不妨講一講，上下半場陣容如下：
上半場人腳
連迪加特
鍾斯、伊雲斯、史摩寧
楊格、馬達、靴里拉、費查、華倫西亞
韋碧克、朗尼

下半場出場球員：
迪基亞、比歷基特、梳爾、m堅尼、湯卡華利、香川真司、蘭尼、沙夏、小豆

雲帥都有評論一下球員同賽事：「第一場我哋失零球，第二場輸一個靚波加十二碼，第三場失零球，所以我可以話我哋算做得幾好。不過我都要搵防守球員，因為好多後衛離咗隊，要有人補上。當然啦，m堅尼、比歷基特我都幾滿意。對於香川真司，我在多蒙特時已經認識他，佢打開10號位。我想佢試下打6號或者8號位置，所以頭兩場比賽我都俾佢試。今場我讓他打最想打的10號位，表現比前兩仗都好。梳爾？佢勤力之餘有點好運，正常情況下我會用占士上陣，但係佢有啲微傷，所以梳爾有機會了。其實今早佢經歷咗強度很高的訓練，我想他做得非常好。沙夏的表現我都很欣賞，但我們要看看情況。他面對太多前鋒的競爭了。」
睇到呢到，就可以睇得出雲帥嘅諗法，佢唔想局限球員一向俾人嘅感覺，好似香川打開10號，佢就想發掘下佢其他可能性。所以要球員轉型可能係雲帥的打算，除咗後衛真係會考慮買人之外，其他位置可能由現有隊員入面搵下有無轉型機會。新鮮感？有時真係唔駛裝修或者大執嘅，轉下傢俱擺位、功能，可能已經面目一新！
新衫 XD多謝隊長！