咸爺玩親子運動會?邊夠佢跑!

曼聯專區 於 04/07/2013 發表 收藏文章
邊個話掛靴之後一定會好得閒?碧咸就忙到傻!不過除咗搵錢同出席商界活動之外,佢最著重嘅當然係屋企人啦!今次佢就同三仔告斯 (無錯,呢個仔嘅名係因為湯告魯斯而起嘅!) 一齊參加學校嘅親子運動會,仲參加咗個百米賽跑比賽!

不過呢,一齊比賽嘅「大叔」們唔係啤酒肚就係瘦弱無力,比起身為職業運動員嘅咸爺當然係輸一大條街…呢個仲唔係犯規係咩?其實佢讓賽40米都得啦!而跑道兩旁亦理所當然地企滿學生同屋企人,因為可以一見萬人迷的風采!參加比賽嘅小告斯都非常輕鬆,衝過終點線嘅一刻甚至連笑容都似十足老逗!

而參賽嘅,竟然仲包括「辣妹」維多利亞!當然啦,參加嘅係媽媽組嘅比賽,不過「辣妹」始終唔係運動員,最後都只能第二名出線,而媽媽組嘅冠軍都唔係少嘢,同維多利亞一樣都係時裝設計師斯嘅黛拉麥卡特尼奪冠,碧咸一家都唔係世上最強、絕對無敵嘅!

不過今次咸爺一家玩運動會,都係非常親民的舉動,參與的家長仲大讚咸爺伉儷同一般父母無咩分別:「同咸爺比賽跑步你都預咗輸梗,笑住都跑贏你!其他阿爸只可以食塵…不過可以食咸爺嘅塵,又有幾多個男人試過?我就試過喇!」

如果喜歡我們的文章,請即分享到︰

標籤: 碧咸  

留言


請按此登錄後留言。未成為會員? 立即註冊
    快捷鍵:←
    快捷鍵:→