史高斯:曼聯現時士氣低落

曼聯專區 於 07/11/2014 發表 收藏文章
曼聯出戰英超10輪後,只有13分,比上季莫耶斯同期仲少4分,分數少之餘,另一個問題就係雲高爾花咗1.5億鎊買人,引起外界唔少批評,曼聯前球星史高斯接受訪問時就以幾點嚟講曼聯依家嘅情況:曼聯唔只可以踢20分鐘好波、後防問題嚴重、迪馬利亞冇晌皇馬時踢得咁開心…

史高斯講喇,「雲高爾入主後大家都認為曼聯有進步,我本來都認為曼聯依家比上季成績會更好,好難明白佢晌比賽時諗緊咩,有時佢好似悶悶不樂咁,同晌世界盃上那個晌場邊指揮嘅人,好唔同。」

講到後防,史高斯認為依家幾名中堅都難擔大旗:「今夏好應該就係解決後防問題,雲高爾好似唔知鐘斯、史摩寧、伊雲斯都好容易受傷。布魯斯、里奧費迪南同維迪晌巔峰時期都好少受傷,中堅位置上,其實係需要有可靠同有穩定上陣機會同水準嘅心擔大旗。」

史高斯另外都好擔心曼聯士氣問題,「曼聯球員士氣有啲低落,呢方面我都好擔心。周中我睇番上季皇馬重播,迪馬利亞同C朗慶祝入球時,笑得好開心,但晌曼聯佢睇落唔係咁,球隊士氣係有啲低落。以曼聯班底,的確應該可以排第3、4名。」

最後史高斯講到球迷都球隊期望都下降了,「我擔心球迷對曼聯期望都下降了,我認識好多球迷晌逼和車路士、0:1輸俾曼城後都大呼一口氣。對曼城比分上,紀錄好過去季,但比賽頭60分鐘,曼聯表現其實好差,作為曼聯呢支球隊,係唔應該只踢20分鐘好波,然後輸波都唔當係一回事。」
標籤: 曼聯  史高斯  雲高爾  

留言


請按此登錄後留言。未成為會員? 立即註冊
    快捷鍵:←
    快捷鍵:→