無錯，又係呢單mission impossible 交易，美斯轉會唔似會發生、咁大筆轉會費無人俾得起、無人諗過佢會離隊，但係傳媒唔肯放過佢…之前有學者分析過只有皇馬曼聯先買得起佢，不過資金當然係首要問題，過咗幾日，就有西班牙傳媒幫大家計掂數，曼聯有機會獲得大水喉買入美斯，而呢條大水喉就係「三間牌」。
佢哋點解想美斯走？因為佢同香港公務員一樣，兩面不是人…「三間牌」係美斯的個人贊助商，不過巴塞就係由「一剔牌」贊助嘅。點睇，球員最常著嘅都係球會波衫，所以大家見得最多就係美斯著巴塞波衫即係「一剔牌」。而「三間牌」早前同一間電台做訪問時講出咗一個調查，原來有70%美斯的粉絲都認為佢係「一剔牌」旗下運動員，因為佢總係以巴塞的波衫示人。咁就大件事喇，俾咁多錢去贊助一位球員，但係大家都仲係以為佢係對家嘅運動員，商業角度睇落，呢個project做唔過。
所以呢一刻美斯係「三間牌」嘅雞肋，棄之可惜、食之無味。要為佢增值，一係就放棄佢；一係就要佢轉投自家品牌球隊旗下。2013年佢哋就密謀過，想俾1.25億歐元誘使車仔皇馬買美斯走，甚至不惜加埋球會贊助費促成「美斯三間化」。不過當時巴塞成績都仲好美滿，起碼奪過西甲冠軍，「球王」無心離隊，於是一切作罷。如今巴塞去季成績麻麻，只得到一個西班牙超級盃；而在個人榮譽上金球獎又輸咗俾c朗；再加上主帥安歷基同美斯的關係撲朔迷離(而且似係負面關係居多)轉轉環境可能對美斯而言係好事。
就咁推論落去，曼聯嘅機會就嚟喇！因為下年，即係2015/16球季開始嘅10年，曼聯波衫上面就會係「三間」而唔係「一剔」，符合「三間牌」的商業利益之餘，兩者仲可以於新球季一齊做宣傳，marketing上面推出「新美斯、新曼聯」的大計劃，一個擁有龐大協同效應的宣傳推廣行動。在商言商，「三間牌」出盡力要美斯去曼聯絕唔係咩奇事…
成件事似層層，係唔係？
佢哋點解想美斯走？因為佢同香港公務員一樣，兩面不是人…「三間牌」係美斯的個人贊助商，不過巴塞就係由「一剔牌」贊助嘅。點睇，球員最常著嘅都係球會波衫，所以大家見得最多就係美斯著巴塞波衫即係「一剔牌」。而「三間牌」早前同一間電台做訪問時講出咗一個調查，原來有70%美斯的粉絲都認為佢係「一剔牌」旗下運動員，因為佢總係以巴塞的波衫示人。咁就大件事喇，俾咁多錢去贊助一位球員，但係大家都仲係以為佢係對家嘅運動員，商業角度睇落，呢個project做唔過。
所以呢一刻美斯係「三間牌」嘅雞肋，棄之可惜、食之無味。要為佢增值，一係就放棄佢；一係就要佢轉投自家品牌球隊旗下。2013年佢哋就密謀過，想俾1.25億歐元誘使車仔皇馬買美斯走，甚至不惜加埋球會贊助費促成「美斯三間化」。不過當時巴塞成績都仲好美滿，起碼奪過西甲冠軍，「球王」無心離隊，於是一切作罷。如今巴塞去季成績麻麻，只得到一個西班牙超級盃；而在個人榮譽上金球獎又輸咗俾c朗；再加上主帥安歷基同美斯的關係撲朔迷離(而且似係負面關係居多)轉轉環境可能對美斯而言係好事。
就咁推論落去，曼聯嘅機會就嚟喇！因為下年，即係2015/16球季開始嘅10年，曼聯波衫上面就會係「三間」而唔係「一剔」，符合「三間牌」的商業利益之餘，兩者仲可以於新球季一齊做宣傳，marketing上面推出「新美斯、新曼聯」的大計劃，一個擁有龐大協同效應的宣傳推廣行動。在商言商，「三間牌」出盡力要美斯去曼聯絕唔係咩奇事…
成件事似層層，係唔係？
請按此登錄後留言。未成為會員? 立即註冊