前曼聯助教佩蘭：朗尼要新挑戰！ 精選

朗尼留隊與否仍然係未知之數，不過無論外界點估都好，最有公信力去講佢去或留嘅當然係一眾backroom staff啦！而曼聯的前助教佩蘭就話，只有曼聯可以為佢提供新挑戰，咁先可以留低佢！

佢咁講：「你都已經身在世界最好的球隊之中，無論去邊都係降grade，點解仲要走？所以我可以好肯定佢想要一個新挑戰，而曼聯呢一刻真係俾唔到佢。每一個球員都有權追求更多，而當自己的需要不被接受，就會萌生去意。就好似朗尼咁，2010佢講咗好多對曼聯的願境，而因為得唔到注意而想離隊。不過爵爺好明白，佢只係好簡單問一句，點解你要走？朗尼有好龐大嘅潛質，佢係可以改變曼聯嘅人，所以爵爺當年不惜一切都要留佢。」

對於朗尼留隊與否，佩蘭自己都話無任何線索，因為即使好多會都已經開過，談判亦唔係短時間，不過無論會方定係朗尼都係無清楚講明去向，係要賣？定係要留？仲係未知之數。如果大家都覺得佩蘭講得啱，朗尼對新挑戰真係有需要嘅時候，莫耶斯口中「朗尼必成下季曼聯的重要性策略人物」其實真係幾鼓舞。希望呢個係朗尼留隊的好消息啦！