利雲度夫斯基傳聞有幾真呀?????

曼聯專區 於 12/06/2012 發表 收藏文章
歐國盃嘅賽事開鑼,相信各位波迷點都會捱一捱夜,睇下波咁呀,正如同筆者一椒,差唔多成個心都飛咗入投入歐國珊賽事…咁唔知大家又有無睇歐國盃第一場波,波蘭 對 希臘呢??? 大家睇完覺得主辦國踢成點? 有邊個大家印象深刻啲呢…大家又點睇多蒙特前鋒利雲度夫斯基???


前日有英國傳媒就話,曼聯已經同意出價1600萬鎊,以及提供7萬鎊周薪同4年合約,簽入呢位23歲波蘭中鋒,呢位射手上季幫多蒙特入咗30球,加埋佢前場好幫手香川真司都已經加盟曼聯,一傳一射,默契方面必定唔係問題…

但今日多蒙特又一盤冷水潑埋嚟,就話呢件事一定唔會發生…佢哋話喇:「依家唔係講我哋有無收過球會其他出價,個問題係利雲度夫斯基晌歐國盃之後,就會返多蒙特訓練,對於波蘭傳媒嘅傳聞,我哋都回應回到悶喇…」

好喇,仲有第三個人回應傳聞,其實當歐國盃踢第一場波之前,波蘭教練施蒙達就已經大爆鑊,話呢位王牌射手會晌夏天離開多蒙特,轉投曼聯,同香川真司繼續做隊友咁話…,「利雲度夫斯基會加盟曼聯;巴拉斯塞高斯基就會轉投另一支英超隊伍;比薛斯基就會去皇馬…。」

咁究竟邊個係真??? 施蒙達同英國傳媒啲料又有幾堅????

依家就一齊睇下,睇下利雲度夫斯基晌多蒙特嘅表現又係點…

http://www.youtube.com/watch?v=PzWoM2jsN_o

如果喜歡我們的文章,請即分享到︰

標籤: 利雲度夫斯基  曼聯  多蒙特  

留言


請按此登錄後留言。未成為會員? 立即註冊
    快捷鍵:←
    快捷鍵:→