修咸頓 對 曼聯 賽後語——雲帥雲佩斯同聲揚言曼聯有運!

曼聯專區 於 09/12/2014 發表 收藏文章
憑雲佩斯梅開二度,曼聯晌周一得以作客以2-1擊敗修咸頓,但如果以賽後分析嚟睇,主隊今戰明顯受壓予主隊,長時間被圍攻,曼聯贏在把握力方面,難怪賽後領隊雲高爾都承認球隊今場羸波,係運氣太好嘅表現,晌周日對利物浦之前,必須要有改善。

雲高爾就講喇,「上半場我哋太容易失去控球權喇,全隊位置感方面都做得唔好,畀修咸頓射入嗰一球,都係我哋自己失波而俾到佢製造嘅機會,呢方面做得不好。球隊晌取得控球時要有啲信心,但今戰就睇唔到。中場休息時我同球員講咗番說話後,我感覺下半場情況有改善,只係俾到修咸頓4次埋門機會,但係事實上,修咸頓比我哋踢得好,我哋就運氣比較好。」

其後雲帥更認為曼聯今戰表現唔到訓練時嘅表現,「我哋第一個入波係一份大禮,第2個入波就比較容易,我哋非常幸運。晌近一周訓練上,我睇到球員都好有信心,但今天比賽就表現唔到,近一周我哋訓練得好好,但係今日比賽就睇唔到呢一點,其實晌比賽上,係應該要展示出嚟。」
至於雲佩斯賽後亦都接受訪問,「每個人都奉獻出自己所有,最終我哋亦都打開咗缺口。呢場波打得好艱辛,修咸頓係一支出色球隊,我哋近一周都訓練得好好,雖然無表現出最佳狀態,亦有啲懶散,幸好最終結果同我哋所期待一樣,獲得5連勝。第一個入波其實都有啲賭博成份,呢種情況下10次有9次都唔會截到。呢方面我有啲幸運。」

標籤: 曼聯  雲佩斯  雲高爾  

留言


請按此登錄後留言。未成為會員? 立即註冊
    快捷鍵:←
    快捷鍵:→