誠如好多網民所言，前2年3點睇曼聯可能係挨眼瞓支持，昨晚就係一種享受！你話愛隊表現係唔係好好？其實真係唔算超班，防守有啲甩漏、球員之間默契亦唔算好好，不過嗰種侵略性同霸氣、幾個大份球員好似普巴、費蘭尼、拜利、伊巴好似幾幅牆咁喺對手前面，呢啲畫面已經好長一段時間未見過喇。又難怪睇到大家心跳加速嘅。
比賽之後，當然要聽聽功臣伊巴講咩啦！佢話，呢場絕對唔係曼聯的「真面目」：「3分當然好開心，已經呢場係普巴首戰，佢習慣咗之後一切自然會好順。我係一員新將，嚟到一個月都未夠；普巴雖然係『愛回家』，不過佢未同呢一隊波夾過。佢需要認識依家陣容中嘅球員；我更加要認識所有人、我哋嘅比賽方式、場內外最簡單的小事我都要認識。同樣，拜利、米希達利恩都係新球員，我哋都要認識領隊的足球哲學，所有嘢都猶如新嘅一樣。一切就好似一幅大砌圖咁，我哋要慢慢砌靚佢，砌好之後我哋就會無往不利。」
而對於自己首戰已經梅開二度，佢都幾謙虛噃：「如果球隊keep住打得好，個別球員自自然然都會打得好。我只係盡自己力做自己最擅長嘅事，製造機會、幫隊友，同埋入波：到依家3球啦。我為球隊而開心，2場比賽都羸波，我哋會變得更好。第一場主場就勝出係好事，有個好開始。我哋要習慣繼續羸，因為勝利唔係只係體能上嘅事，心理亦佔好重要的部分。比起法甲，呢到比賽風格好明顯係硬淨好多，全場緊逼，入球機會嚟到時要好專心，不過我唔介意最後邊個入波。」
普巴亦講到自己返到曼聯的感受：「真係好好，我嘅首戰已經羸波，真係好開心，為隊伍而開心。我返到屋企喇，對於勝利滿懷高興。我希望可以保持啦，繼續打得更好，更重要係保持勝軌，就咁已經好足夠。開波20分鐘我哋打得麻麻哋，不過之後我哋控波多咗，開始展現質素，之後入咗一球，比賽就開始傾向我哋。」
如果真係如伊巴所言，曼聯呢幅砌圖仲未成型，唔通摩帥買呢4塊返嚟真係咁對辦？咁就要快啲砌好佢喇！大家等住睇架！
比賽之後，當然要聽聽功臣伊巴講咩啦！佢話，呢場絕對唔係曼聯的「真面目」：「3分當然好開心，已經呢場係普巴首戰，佢習慣咗之後一切自然會好順。我係一員新將，嚟到一個月都未夠；普巴雖然係『愛回家』，不過佢未同呢一隊波夾過。佢需要認識依家陣容中嘅球員；我更加要認識所有人、我哋嘅比賽方式、場內外最簡單的小事我都要認識。同樣，拜利、米希達利恩都係新球員，我哋都要認識領隊的足球哲學，所有嘢都猶如新嘅一樣。一切就好似一幅大砌圖咁，我哋要慢慢砌靚佢，砌好之後我哋就會無往不利。」
而對於自己首戰已經梅開二度，佢都幾謙虛噃：「如果球隊keep住打得好，個別球員自自然然都會打得好。我只係盡自己力做自己最擅長嘅事，製造機會、幫隊友，同埋入波：到依家3球啦。我為球隊而開心，2場比賽都羸波，我哋會變得更好。第一場主場就勝出係好事，有個好開始。我哋要習慣繼續羸，因為勝利唔係只係體能上嘅事，心理亦佔好重要的部分。比起法甲，呢到比賽風格好明顯係硬淨好多，全場緊逼，入球機會嚟到時要好專心，不過我唔介意最後邊個入波。」
普巴亦講到自己返到曼聯的感受：「真係好好，我嘅首戰已經羸波，真係好開心，為隊伍而開心。我返到屋企喇，對於勝利滿懷高興。我希望可以保持啦，繼續打得更好，更重要係保持勝軌，就咁已經好足夠。開波20分鐘我哋打得麻麻哋，不過之後我哋控波多咗，開始展現質素，之後入咗一球，比賽就開始傾向我哋。」
如果真係如伊巴所言，曼聯呢幅砌圖仲未成型，唔通摩帥買呢4塊返嚟真係咁對辦？咁就要快啲砌好佢喇！大家等住睇架！
請按此登錄後留言。未成為會員? 立即註冊