亨利:雲高爾根本唔識用馬迪爾

曼聯專區 於 22/12/2015 發表 收藏文章
曼聯今季攻力弱就係人都知,之不過如果大家有睇波嘅,我諗大家應該同筆者一樣應該都幾like 20歲新仔安東尼馬迪爾!佢今夏以5000萬歐元加盟曼聯,第一場波處子戰就有波入,仲要入利物浦,之後佢晌前線表現出嘅腳法同冷靜,可以話依家呢隊曼聯完全無嘅表現,而佢晌場上控波痴腳,都為曼聯博到唔少罰球……之不過唔講唔覺,佢原來已經有9場聯賽無入過波,呢位「新亨利」被外界寄予厚望,但依家表現回落,佢師兄亨利就出聲話係因為雲高爾唔識用佢!

亨利一嚟就講到好多球迷嘅心聲:「雲高爾將佢放晌邊到,但根本馬迪爾就應該係曼聯進攻嘅重心。佢晌對諾域治場波做緊啲咩? 我的確係唔知佢做緊咩,佢應該係禁區位置到出現,一對一比併下作出射門同慶祝,究竟曼聯有咩驚呢? 定係被洗腦過多,我真係唔明。」

佢之後繼續講:「曼聯明明想要個入返嚟入波,佢哋想有個球員可以以速度壓入禁區射門,好明顯馬迪爾就係佢哋前線要嘅人,但竟然無啦啦將佢放邊,離開禁區兼成日無波掂。如果我有呢一種球員,佢一定會喺我心目中嘅9號仔,其他球員努力去輔助佢。」曼聯迷一定知點解雲高爾將佢放邊,原因咪就係佢要讓個位畀朗尼作正箭頭囉!
標籤: 亨利  雲高爾  馬迪爾  曼聯  

留言


請按此登錄後留言。未成為會員? 立即註冊
    快捷鍵:←
    快捷鍵:→