50年前的曼城奪冠名宿S(下)

今日我地繼續同大家講下50年前冠軍隊成員嘅近況，人生際遇難料，有人仍能見證歷史性一刻，亦有不少人已作故。


Colin Bell (高連比爾) 相信去過朝聖嘅朋友應該留意到曼城主場其中一組看台以比爾命名，已經72歲嘅比爾是當年其中一位主力，亦是70年代英格蘭國家隊重要成員，1966至1979年間效力曼城入過152球，同樣因傷不復當年勇而退役，曾經擔任過曼城青訓教練，現已離開球圈。

Alan Oakes (阿倫學斯)司職 50年代曼城青訓，由1959至1976期間效力曼城，上陣逾600次是,幾乎每場曼城比賽都有佢，當代其中一個極富代表嘅曼城球員之一，柏杜係佢老表。


Anthony Coleman (高文) 又名Tony Coleman，效力曼城僅短短兩季，司職翼鋒，論際遇卻係眾人當中其中一個令人感唏噓，退役後曾移民澳洲，以駕駛為生，曾經一度要變賣自己所贏過獎牌過活。


Francis Lee (法蘭西斯李) 司職前鋒，1967至74年間效力曼城，足球生涯完結後營商有道，創立廁紙品牌，亦曾經係曼城大股東，於1994年起擔任曼城主席，不過4年後就落台，所謂人老心不老，近年活躍於Twitter。

Mike Summerbee (森馬比) 司職前鋒，相信自命曼城鐵粉，一家唔會唔識佢，Summerbee 而家係曼城其中一個官方大使，除咗本土外，佢亦走訪各地同城迷見面，佢囝囝Nicky亦曾經係曼城球員，而家為英超賽會工作。
Neil Young (楊格) 司職輔鋒，2011年因癌症逝世。曼城50年代青訓1961至1972間效力曼城，為曼城上陣逾300場，入過86球，可惜係退役後不善理財，攪到賣屋填債，曾做過保險經紀，牛奶速遞員，超市店員，亦做過足球教練。

所以有時不得嘆句同人唔同命，理財真係好緊要，其實足球員老無所依又點止係香港，英國都係一樣。