今日提起紐卡素，相信唔少年輕一輩嘅只會記得呢隊來自英格蘭東北嘅黑白間條升降機，返到九十年代，喜鵲都係爭標份子之一，而打造紐卡素盞世嘅係一位來自紐卡素嘅前英格蘭名將：奇雲基瑾，千禧年代，佢亦出任過曼城領隊，所謂長江後浪推前浪，當佢再度出山擔任紐卡素領隊個陣，世界已經變咗，佢亦黯然離開領隊行列。
紐卡素響九十年代初仍然只係一隊英乙(現英甲)球隊，當年仍屬少帥嘅佢，可能因為球員年代所影響，比較崇尚進攻模式，成功將呢支東北之虎帶領上英超，甚至能夠同當時嘅曼聯，利物浦，阿仙奴，列斯聯等勁旅有得揮，曾經大勝曼聯5比0，亦劍指英超第二，老一輩嘅球迷相信對於一批當代嘅進攻球員：安迪高爾，舒利亞，真路拿，班士尼，L費迪南，等人津津樂道時，呢支黑白軍團其實響防守上就顯得有點失色，重用進攻形球員嘅佢，反而就被外界批評為有前無後的弊病，雖然基瑾在任日子並未正或為紐卡素帶來過頂級聯賽獎座及盃賽冠軍，但九十年代嘅盛世嘅喜鵲由佢打造並不為過。
2001年初，將近踏入不惑之齡嘅基瑾，剛從國家隊帥位退落來，走到呢支曼徹斯特老牌球會，帶住嘅除咗前國家隊領隊嘅頭銜，仲有升班專家嘅名銜，來到曼城之前，佢成功帶領過紐卡素及富咸衝冠，同時先後引入一批具實力嘅前國腳：比高域，皮雅斯，舒米高，麥馬拿文，科拿，施文，保斯維特等等老將以老帶新，配合：巴頓，胡禮菲臘斯等等自家青訓小將及一眾失意外援：安歷卡，迪斯甸，雷耶斯等等響英超騁馳。雖然曼城響基瑾帶領下同樣無嚐過冠軍滋味，但個份蔗渣價錢燒鵝味道嘅英式足球味道就令人難忘，但現實歸現實，呢位崇尚進攻嘅領隊並無改變佢治軍立場，亦為人垢病仲有喜歡任用名氣大但實力下滑嘅老將，2005年初，佢選擇急流勇退宣布退出領隊行列。
但2008年，佢嚐試就出山打救飽受降班危機嘅紐卡素，初時仍被球迷寄寓厚望，回復九十年代連贏11場嘅風彩，可惜一切好夢自球會人事紛爭而一一落空，成功保住英超席位嘅紐卡素，響08/09球季初，因球會人事變動，令基瑾意興欄珊，再度離開紐卡素，其實基瑾掌帥之初，喜鵲亦有一段時間未有贏波。
不過呢位領隊，響兩軍老一輩球迷心目中都有一定地位，唔知今年佢又會唔會來香港呢？
紐卡素響九十年代初仍然只係一隊英乙(現英甲)球隊，當年仍屬少帥嘅佢，可能因為球員年代所影響，比較崇尚進攻模式，成功將呢支東北之虎帶領上英超，甚至能夠同當時嘅曼聯，利物浦，阿仙奴，列斯聯等勁旅有得揮，曾經大勝曼聯5比0，亦劍指英超第二，老一輩嘅球迷相信對於一批當代嘅進攻球員：安迪高爾，舒利亞，真路拿，班士尼，L費迪南，等人津津樂道時，呢支黑白軍團其實響防守上就顯得有點失色，重用進攻形球員嘅佢，反而就被外界批評為有前無後的弊病，雖然基瑾在任日子並未正或為紐卡素帶來過頂級聯賽獎座及盃賽冠軍，但九十年代嘅盛世嘅喜鵲由佢打造並不為過。
2001年初，將近踏入不惑之齡嘅基瑾，剛從國家隊帥位退落來，走到呢支曼徹斯特老牌球會，帶住嘅除咗前國家隊領隊嘅頭銜，仲有升班專家嘅名銜，來到曼城之前，佢成功帶領過紐卡素及富咸衝冠，同時先後引入一批具實力嘅前國腳：比高域，皮雅斯，舒米高，麥馬拿文，科拿，施文，保斯維特等等老將以老帶新，配合：巴頓，胡禮菲臘斯等等自家青訓小將及一眾失意外援：安歷卡，迪斯甸，雷耶斯等等響英超騁馳。雖然曼城響基瑾帶領下同樣無嚐過冠軍滋味，但個份蔗渣價錢燒鵝味道嘅英式足球味道就令人難忘，但現實歸現實，呢位崇尚進攻嘅領隊並無改變佢治軍立場，亦為人垢病仲有喜歡任用名氣大但實力下滑嘅老將，2005年初，佢選擇急流勇退宣布退出領隊行列。
但2008年，佢嚐試就出山打救飽受降班危機嘅紐卡素，初時仍被球迷寄寓厚望，回復九十年代連贏11場嘅風彩，可惜一切好夢自球會人事紛爭而一一落空，成功保住英超席位嘅紐卡素，響08/09球季初，因球會人事變動，令基瑾意興欄珊，再度離開紐卡素，其實基瑾掌帥之初，喜鵲亦有一段時間未有贏波。
不過呢位領隊，響兩軍老一輩球迷心目中都有一定地位，唔知今年佢又會唔會來香港呢？
請按此登錄後留言。未成為會員? 立即註冊