2014/15 聯賽盃 0比2 不敵紐卡素回顧

我城藍月曼漫談 於 27/12/2017 發表 收藏文章
所謂有人歡喜有人愁 .. 有人笑聯賽盃係米奇老鼠盃,不過亦有人當咗贏歐聯咁慶祝。上星期曼城就贏咗李斯特城入到四強,不過3年前佢地就響主場0比2不敵紐卡素出局,我地又來睇下當日正選去咗邊先?


門將:卡巴尼路,無人估一度成為城迷眼中釘嘅光頭門神,一年後會做贏聯賽盃功臣,仲一度出任正選,今日嘅佢就著起藍衫,效力車路士。

後防:沙格拿,法國長青國腳,當季上陣機會就止於盃賽及後備,佢同陣中嘅文加拉情如兄弟,今日嘅佢就暫時未有班落。


迪米捷尼斯,阿根廷國腳,相信大家對佢X多過笑,當年領隊愛將之一,16年6月未獲續約後,返咗馬拉加,但未夠一季就退役。


高拉洛夫,塞爾維亞國腳,大家最記得都係佢嘅罰球,上季就被改造為中堅,6月完約後,去咗羅馬,咦佢唔係話鐘意拉素咩?

文加拉,呢位法國國腳,而家仲響曼城,不過就做替工,由佢伙拍迪米相信係輸波保證。


中場:占士米拿,呢位英格蘭國腳,當時係雜工,因為戰術需要要踢唔同位置,不過以勤力見稱嘅佢未獲總監歡心,完約去咗利物浦,而家主力踢左閘。


大衛施華,同樣係三朝元老,今日仍然係中場大腦兼正選,不過過去1個禮拜因為屋企問題而無上陣

耶耶托尼,同樣都係三朝元老,上季一度被雪4個月,憑住努力及根度簡受傷獲正選,今季就主力踢盃賽。


費蘭甸奴,而家就深得哥帥歡心,擔任第二副隊長,當季有唔少甩漏,不過都無礙佢正選位置


迪斯高,城迷寵兒嘅佢,當季係佢最後一季留城,一直被視為後備殺手嘅佢, 正選就唔係成日有表現,而家就去咗羅馬。

祖維迪,同樣來自東歐,不過更慘情嘅係佢傷仲多過踢,去過國米,亦去過西維爾,而家就響摩納哥。
標籤: 曼城  紐卡素  

留言


請按此登錄後留言。未成為會員? 立即註冊
    快捷鍵:←
    快捷鍵:→