那些年我們有過的國腳:施雲奴(巴西)

我城藍月曼漫談 於 15/11/2017 發表 收藏文章
曼城一直對巴塞及阿仙奴嘅球員有好感,相信有一定年資嘅城迷唔會唔知,咁如果先後效力過兩隊嘅球員,又有冇來過曼城呢?? 有! 仲係巴西兵添 …. 佢係巴西國腳:施雲奴,大家係咪細細已經聽過呢個名呢?


施雲奴響國家隊嘅成就遠唔及佢職業球會所得,事關佢響國家隊僅僅得4次上陣機會,其實一直苦無入選機會,加上正選左閘卡路士嘅威望及名聲一直傲視同群,只有響幾次嘅友賽中亮相,大賽事就無佢份啦,其中1998年美洲金盃佢只有留守後備席隔岸觀火,苦無出場機會,最後一次代表國家隊上陣就係2001年嘅世界盃外圍賽對厄瓜多爾一役。

當然施雲奴嘅球會生涯就稍比國家隊好少少,出道於哥連泰斯,1999年受雲加賞識而加盟阿仙奴,其左路快放傳中助攻,實在迷倒唔少fans,亦係廠長對佢投下信心一票,將老將:溫特本調為副選,亦令佢獲得00/01年度PFA最佳11人其中一席位。

加盟巴塞隆拿已經係2004年嘅事,當年佢只係隊中最初只係擔任一個副選角色,但久而久之又重受重用,亦令佢搵到事業第二春,不過年紀始終係一個大問題,2009年夏天曼城友賽小勝巴塞後,佢就以35歲之齡來到曼城,擔任隊中老大哥協調隊中巴西幫。

當年曼城左閘已有狀態唔錯嘅布歷治,施雲奴雖然投城係屬協調隊中巴西幫,偶然都有落場機會,除咗英超比賽仲有本土盃賽,仲以一下遠射獲得過入球添,不過以36歲之齡擔任英超左閘又真係蝕底,所以2010年6月,曼城亦選擇唔再向佢提出續約,呢位巴西左閘亦宣布離開足球員行列。

退役後嘅佢就無做講波佬,反而係出任過意甲及巴甲多支球會嘅助理領隊及技術顧問,而家就擔任巴西國家隊技術教練,唔知大家有無見到佢身影呢?
標籤: 施雲奴  曼城  巴西  

留言


請按此登錄後留言。未成為會員? 立即註冊
    快捷鍵:←
    快捷鍵:→