那些年我們有過的國腳：尼祖迪莊 (荷蘭國腳) 精選

來到英超開季第一個國際賽期，又係時候回頭望望我地曾經有過嘅國腳，開季前有部分城迷希望曼城買多一至兩個防守中場，加強中場掃蕩，呢個荷蘭國腳應該幾啱佢地心水：尼祖迪莊。


不過，出道初期的尼祖迪莊並不是出任防守位置，而是進攻中場，前鋒，偶爾串演右翼，直至加盟漢堡首嘗防守中場角色，直至而家。




尼祖投城係由2009年1月從漢堡來投，亦係當年漢堡投城三俠(尼祖迪莊，高柏尼，謝路美保定)第一人，在曉士，文仙尼兩任領隊手下都是必然正選，其中場截擊能力嚇怕不少對手，其中當年效力紐卡素的法國中場：賓艾化更被佢剷傷至骨折，休息接近一季才復出，可惜這位球迷至愛在11/12球季上陣次數開始大減，雖是聯賽錦標功臣之一，但亦不敵領隊決定，離城投AC米蘭，而昔日的漢堡投城三俠今日只剩下高柏尼一人。


首度入選國家隊的尼祖已是2004年的事，之後的2008歐洲國家盃，2010世界盃，2012歐洲國家盃及2014世界盃，他都是座上客，肩負中場掃蕩及攔截的責任，相信大家最深刻印象莫過於2010世界盃前友賽將美國國腳：賀頓剷至重傷，及後決賽周向西班牙嘅沙比艾朗素施展穿心腿，雖然就俾來自英超嘅著名球證：韋比走漏眼，不過就有唔少球迷對佢口誅筆伐，更有唔少人將呢下穿心腿同剷傷賓艾化的收山腳雙題並論，而尼祖上次入選國家隊係2015年的事

離開曼城，尼祖先後響AC米蘭，洛杉磯銀河搵食，可惜有一輪時間嘅傷患困擾，令其事業一度受創，上季重返歐洲球壇去到土超班霸加拉塔沙雷搵食，其實亦不時傳出有英超球會有意將佢收歸旗下 ，但可以肯定係佢人緣尚算唔錯，合作過的巴西國腳：祖奧表示佢係一等一好人，法國國腳：基歷治離城投土超前亦問過佢意見。



雖然人緣唔錯，但外界對呢位防中態度就一般，其中法國隊報就冠以最暴力嘅球員"美名"，最著名的當然少不得"南比比，北迪莊"呢2個曾經成為千禧年代南北半場的暴力球員代表。