知己知彼: 史釗活泰來

我城藍月曼漫談 於 14/04/2017 發表 收藏文章
如果你有睇開足球小將,戴翅偉身邊有個叫麥泰來嘅好拍檔,同佢一齊衝鋒陷陣,英超都有唔少泰來,呢位係其中一位,而家效力修咸頓嘅前曼城龍門 - 史釗活泰來,聽過佢名未??



九十年代末響喺阿仙奴出道時嘅史釗活,係當時英格蘭小國腳嘅正選龍門,出戰過1999年嘅世青盃,但應該無見識過戴翅偉嘅衝力射球,小志強嘅猛虎射球,同期隊友比較出名嘅有: 艾殊利高爾,高治,出身名門又係咪真係事業一帆風順呢?? 好似又唔見得。



史釗活雖然係小國腳正選,但要喺阿仙奴爭正選談何容易(當年正選係年近四十嘅施文,同期嘅副手亦係當時得令嘅李察胡禮),除左01/02有比較多上陣機會,令佢贏得一塊聯賽冠軍獎牌,之後因為有德國國腳:列文,副選:艾蒙尼亞嘅加盟,泰來被外借去唔同球會:布里斯托流浪,水晶宮,彼德斯堡,李斯特城,不過上陣次數唔多,返到母會自然無得留低。後來轉投阿士東維拉,雖然不時有出色表現,不過都係長居後備,甚至外借,成為球隊第三龍門。



2009年夏天,泰來以自由身加盟曼城,成為當季曼城第一簽,後來佢受訪時提過加盟曼城,曾經問過隊友:費度意見先決定加盟,仲隨隊去美國踢表演賽任正選,不過當季嘅第一場正式地標戰係足總盃對斯肯索普,不過亦係佢唯一嘅一次為曼城上陣,之後一度因傷收咧,錯過咗上位機會,眼白白睇住正選由借將:富勒姆(已故)頂替。隨住師弟:祖赫特上位,之後引入羅馬尼亞國腳:彭杜利蒙,佢再次成為球隊嘅第三龍門,2012年夏季完約後離隊,接任佢嘅竟然係當年嘅隊友兼競爭對手:李察胡禮。



離開曼城,泰來先後效力過雷丁,列斯聯,不過都係擔任二號龍門,令人唏噓嘅係2015年夏天被球會放棄,事隔一年後,終於有班落,加盟修咸頓,簽約一年,擔任球會第三龍門,也為球會青訓出一分力,事實上泰來至今亦未有正式上陣紀錄,大家想見佢倒戈應該有困難,始終一季要出動到第三龍門機會唔多,即係咁你有幾可見到森崎有三代替林源三同健威把關?? 有嘅 … 當林源三受傷,健威被調上踢前鋒(golden 23)個陣。
標籤: 史釗活泰來  修咸頓  曼城  

留言


請按此登錄後留言。未成為會員? 立即註冊
  • Tsang Jimmy 於 14/04/2017 評論 NO. 1

    又係幾不勝唏噓的,

快捷鍵:←
快捷鍵:→