敗陣回顧: 侯城2-1曼城 6/2/2010 當日上陣球員動向

我城藍月曼漫談 於 07/04/2017 發表 收藏文章
成日講: "波係圓嘅,咩比數都有可能發生" 曼城對侯城主隊自不然被睇早一線, 不過曼城作客都輸過架~ 係2010年的事, 值得一提當季曼城兩戰候城未嚐一勝 我地又來睇下當日一班正選上陣球員近況如何.


門將: 基雲

呢位愛爾蘭傳奇係當日一號門將, 面對佐治保定的遠射時, 視線可能被門前兩軍球員所阻, 顯然而無能為力, 當季及後因傷而再未能進佔曼城正選, 輾轉效力過阿士東維拉, 米杜士堡, 現已退居後備, 效力史篤城


後衛:

保耶達

出身曼城青訓o既比利時國腳, 當日伙拍高路托尼擔任中堅, 表現尚算平穩, 不過此子效力曼城數年未有太突出表現, 兩次外借後都無助提升整體實力, 現效力些路迪.


高路托尼

由阿仙奴轉投曼城o既前隊長, 是當日表現不過不失, 成功瓦解亨特的角球但解圍反造就保定助攻, 13/14球季轉投利物浦, 今效力些路迪與保耶達再做隊友.


薩巴列達

今日已貴為曼城ICONo既薩巴列達, 當日頂替李察士扼守右閘, 至今一直是曼城的後防重心, 惟上季的重傷後, 狀態一直都無法同當年相比, 季初一度傳出轉投羅馬, 實際至今都去向未明, 睇怕要季尾先知.


布歷治
友妻門事件o既悲劇主角係當日曼城左閘, 久休復出上陣, 可惜無乜大球會運o既佢, 響當季叫有較多機會外, 其餘時間都係後備, 甚至被外借, 2015年已掛靴


中場

尼祖迪莊
有殺人王之稱o既迪莊, 一直係城迷其中一位飛佛, 離開曼城後, 先後效力過AC米蘭,洛杉磯銀河: 而家重返歐洲球壇, 效力加拉塔沙雷


艾利蘭

呢位曼城青訓, 當日表現認真麻麻, 結果55分鐘由阿當莊臣入替, 離開曼城後, 先後效力過紐卡素, 阿士東維拉 而家同基雲再做隊友, 自上季斷腳後一直未有正式上陣.


前鋒

比拿美

威爾斯英雄: 比拿美, 當日表現尚算一般, 結果055分鐘由韋拉入替, 當季版外借回母會卡迪夫城, 輾轉響卡迪夫城, 利物浦兩出兩入.

艾迪巴約

當日射入接近紀錄o既一球, 任佢點努力都無功而還, 效力曼城雖短但足以令球迷討厭佢, 挑釁性強o既慶祝動作, 跳草裙舞, 後外借至皇馬, 先後效力熱刺 水晶宮, 而家響土超: 巴沙克舒希搵食


迪維斯

同樣表現相當勤力o既仲有迪維斯, 另一位城迷柯貪飛佛, 可惜同樣因為紀律問題而同領隊高層不和, 離開曼城後踢過祖雲達斯, 亦回國踢過小保家, 不過家鄉魅力點都唔及中國, 而家踢緊上海申花.

標籤: 侯城  曼城  

留言


請按此登錄後留言。未成為會員? 立即註冊
    快捷鍵:←
    快捷鍵:→