細數兩軍舊將: (曼城VS水晶宮) 麥堅

我城藍月曼漫談 於 05/05/2017 發表 收藏文章
16/17英超聯賽已經踏入尾聲, 岩岩上星期就踢完打吡, 相信前四仲有一番龍爭虎鬥, 如果做返一個前四賽程易食指數, 相信響唔少人眼中曼城季尾呢幾場波都算執到好簽: 水晶宮, 李斯特城, 西布朗, 屈福特, 除咗李城外大部分都有嬴過好多次, 不過學已過身伍晃榮話齋: "波係圓嘅", 一個唔覺意又失分, 真係喊都無謂, 曾經效力兩軍嘅前鋒: 麥堅 - 其實出身自曼聯青訓, 成名於普雷斯頓, 千禧年初先後曼城同水晶宮踢過.


2001/02年季中, 佢以當時破轉會紀錄五百萬鎊由普雷斯頓加盟呢支衝超球隊, 而家嘅五百萬鎊真係簽個西甲二線兵或者僅僅夠打包兩個預備組細路, 但當年來講並唔係一個細數目, 跟返通漲就相等於今日七千幾萬 ((曼城=金錢足球?)) 響英甲普雷斯頓大放異彩嘅佢, 來到曼城呢支衝超球隊其實壓力都唔細, 除咗背負住最高身價外, 其實當年曼城鋒線都仲有: 葛達, 雲祖柏, 但令佢更估唔到o既係重返英超o既曼城引入埋兩位國腳級人馬: 安歷卡(法國), 科華(英格蘭), 所以任憑英甲打到識飛, 英超上陣機會大大減少, 當然傷患影響仕途, 麥堅響英超第一季只有5次上陣零入球, 響曼城3季最為人印象深刻除咗03/04球季o既打吡4比1個場入過波, 就係足總盃奇蹟反勝一場獻出一個入球, 呢位五百萬鎊前鋒, 多數只係充當後備殺手, 或者隊中3號前鋒// 暫代翼鋒, 入球數字大大減少, 被球會放棄並唔係一件稀奇事.


2005年7月佢以一百萬鎊轉投英冠水晶宮, 重訪成名地英冠, 但角色亦唔係正印前鋒, 正印係時任英格蘭國腳: 安德魯莊臣(AJ)及摩利臣, 佢只係擔任後備殺手, 可惜o既係歷史不斷重演: AJ因傷造就佢上陣機會, 但自己同樣因傷造就隊友坐正, 04/05對佢來講水晶宮呢季亦過得唔如意, 一季後外借身份加盟葉士域城. 已經掛靴嘅佢, 前年就出戰過香港國際七人賽, 仲領咗張紅牌, 而家係 EDUKICK Manchester 足球學校o既教練之一


PS: 其實佢加盟前為普雷斯頓VS曼城入過靚波


如果喜歡我們的文章,請即分享到︰

標籤: 曼城  水晶宮  麥堅  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→