球迷會風暴

我城藍月曼漫談 於 22/10/2020 發表 收藏文章
這一年香港嘅所謂官方球迷組織都無可避免咁牽涉入大大小小嘅風暴,編者從不是祖雲達斯球迷,但單憑一點以前擔任球迷會helper經驗講多幾句。


天下烏鴉一樣黑
友會代所指的官方單位零支援,對建議舉辦嘅活動愛理不理,其實不出為奇,只要涉及錢銀又要隊職們傷腦筋。大家唔好錯覺曼城會比祖記好,無論在官方活動層面,以至訪港訪一樣都係零支援,當日買飛又係食自己,搵傑X,PR公司,但負責嘅隊職就要求多多,據知其他英超球隊都係差唔多,某英超冠軍隊訪港,球迷會幹事自己籌旗買飛俾會員,而事件完畢後隊職一句well done! Bye bye!幹事們就淪為隊職嘅condom。

無形之手
資料見到友會雖然無中資背景支持,但球會關顧大陸市場係不爭事實,而作為一家有中資背景嘅英格蘭球會,(按華人文化基金擁15%左右的曼城股權,且於大陸設有辦事處)大家又有咩感受呢?
老老豆豆-大陸同英國隊職對於個人政見雖然叫做積極不干涉,加上山高皇帝遠嘅嘢 ..
但同友會一樣唔少大陸球迷會中人份屬愛國小粉紅,加上當地會與會之間為咗搏表而篤灰比比皆是,(假如大家明咩係辦公室政治)唔講大陸隊職,老外隊職根本唔會知咩係黃藍,香港發生咩事,係為求息事寧人,一般會向被投訴嘅球迷會高層施壓,所以友會情況唔難理解。
(按-香港有冇被篤,相信係有,編者舊年退會前,某部分高層一直三緘其口)


我要嘅係自由度
無咗官方兩字固然好可惜,主要係影響部分既得利益者,編者唔敢講有冇人借所謂官方球迷會名義搵個人著數,不過都窄窄的。只係真心個人覺得無分別!講支援咩無,資助呢又無,X!咁仲官咩方?
所以從不會懷疑去掉官方二字有分別,不過做事自由度會唔同,不論表態立場,爭取贊助,制肘都無需要就住就住,亦唔怕俾人篤灰。

最後,編者想呼籲以黃店自居嘅老闆們就真係唔該企出來支持下獨立球迷組織啦!亦呼籲其他曾經表態嘅FB專頁攪手快快成立真正屬於香港人嘅球迷會。

*撰文者:前曼城球迷會協助者N

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→