前城員的2018世界盃:保耶達

我城藍月曼漫談 於 23/06/2018 發表 收藏文章
曼城球員今屆都算威到盡,前後有16個球員入選世界盃決賽周大軍,不過呢除咗呢16個,亦有呢班前曼城球員出戰,今晚就有佢: 保耶達。

現效力蘇超: 些路迪嘅佢,司職中堅,間中可踢右閘,加盟至今一直係球隊嘅必然正選之一,除16/17球季因傷患缺席幾個月外,基本上都會見到佢上陣,佢仲係兩度奪冠功臣,仲不時為球隊入波,好幾次亮相歐聯分組賽及歐霸盃賽事,同屬隊友嘅仲有前曼城隊友: 史葛冼佳亞,佢響些路迪人氣唔錯架,但私生活就比所有人都低調,好少更新個人社交媒體。

其實呢位比利時國腳都係曼城青訓產品,16歲加入曼城青年軍,同賓美爾,基頓等同期球員一齊贏過2008年嘅青少年足總盃,子承父業嘅佢,09/10球季嘅最佳年青球員,曾幾何時都被視之為曼城嘅明日之星,而佢當年上陣機會亦遠比而家呢批師弟們多,累計差不多有:34次,仲有1個入球,更加係2010/11足總盃奪冠成員之一,奈何及後外借保頓時表現未如理想,在川迪日子亦未見有進步,最後被提早終止租借合約,回歸曼城降格U23作賽,最終就是逃不過離隊嘅結局,以一百多萬鎊賣至些路迪。

首次入選國家隊係2010年,雖然日子非短,但國家隊嘅佢就主要擔任副選,7頂喼帽當中只有1次係正選上陣,而且大多數從近年0友賽中獲得,雖然以中堅28歲來講,其實經驗相當成熟,但之前嘅歐國盃佢就不幸因傷缺陣,所以講大賽經驗真係似乎爭咗少少,同隊長高柏尼份屬老友嘅佢,就一早揚言可以頂替高柏尼擔正中堅,等佢好返再退位,今個晚上唔知我地有冇機會見到佢登場呢

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→