利物浦對曼城:有英雄不做,寧願做狗熊

我城藍月曼漫談 於 14/10/2018 發表 收藏文章
睇利物浦對曼城,身為曼城迷近呢2年終於明白,不期不待,不受傷害的真諦,所以基本上座和望輸,原本今場都係咁上下打算,未到12碼出現前都無覺得曼城有任何可以贏波的可能性,直到85分鐘,辛尼帶波衝到入利物浦的禁區被雲迪克整跌,艾堅遜判曼城得益,獲得12碼,整個氣氛立即大變,曼城苦得15年終於有一個贏波的希望啦。

只不過,照當時球場中的鏡頭拍攝所得的畫面,正當曼城決定呢個12碼的主射球員時,馬列斯主動"說服"耶穌讓俾佢射,只不過,當正式起腳一刻,眼見馬列斯將個波射向守門員艾利臣的右邊,而艾利臣亦同時撲向右方,不過無人估到的係,呢球對曼城極為重要的12碼竟然係炒飛機。一瞬間,曼城的球迷喊出失望的叫聲,而利物浦球迷則大聲歡呼,感謝馬列斯呢位"臥底"的不殺之恩。至於本應主射的耶穌就一臉失望,由身旁的大衛施華安慰。而曼城球迷苦等左15年的一刻又被逼再度延後。

馬列斯射失12碼保持賽和,但賽後對馬列斯應否搶射12碼作出分歧,當然筆者對馬列斯搶射12碼並且射失感到非常不滿,首先論資排輩,耶穌點都係馬列斯於曼城的"前輩",一個只轉會加盟僅僅3個月的翼鋒居然搶射12碼之餘,仲要射失,就算係領隊的命令,加上係作客晏菲路,呢條罪絕對唔可以輕饒,當然身為領隊的哥迪奧拿明顯有心保護馬列斯(賽後記者會上向傳媒表示係佢命令馬列斯搶射,失望的耶穌亦唯有敢怒而不敢言),但佢又明唔明白,一個球季要作客晏菲路通常只得一次機會,利物浦3連不勝下,曼城做好應該把握機會,結果哥迪奧拿居然派一個炒飛機多過中龍的阿爾及利亞人出黎射失,然後表示射失12碼好平常。都唔諗下阿古路見到馬列斯射失之後個樣,係完美呈現出何謂目瞪口呆同不可思議。不過相信呢球12碼的射失,曼城負責射12碼的名單入面,馬列斯的位置應該都唔會前得去邊。
(由於網路上無當日的阿古路的發呆相,故以此代替)

留言


請按此登錄後留言。未成為會員? 立即註冊
    快捷鍵:←
    快捷鍵:→