沒有最黑仔,只有更黑仔 ‧ 曼城後防「1傷再傷」

曼城 - We are Blues 於 07/09/2013 發表 收藏文章
據《鏡報》報導,啱啱上週以350萬從馬德里體育會加盟曼城既老將迪米捷利斯。他在訓練中傷到了膝蓋韌帶。經過檢查後確認,迪米捷利斯唔需要做手術,但曼城隊醫就預計他可能因傷休戰6星期。事隔幾日,令人沮喪既消息再接再厲,曼城隊長甘賓尼既傷情恢復情況緩慢,呢位比利時球星好可能需要多1個月時間先至可以復出。
甘賓尼晌新賽季聯賽第1場對陣紐卡素既比賽中拉傷。最初藍月亮認為隊長甘賓尼大概需要2星期左右時間就可以復出,可惜在接受進1步檢查後發現,他需要休戰既時間比原先預計既2星期長得多。 據《隊報》消息,比利時人好可能需要多1個月時間才可以復出。

喺受傷後既甘賓尼就在媒體前講過希望自己可以盡快傷癒:「我會缺陣1段時間,但唔會好耐。可能我會錯過世界盃外圍賽,但我希望可以在國際賽後回歸球隊。我以前都曾經受過傷,我希望可以盡快康復,不過,情況有可能會變得更壞,令我失望既係,在1個非常好的季前熱身賽後,英超1開賽我就受傷了。」
與此同時,主帥柏歷堅尼都確認甘賓尼無法及時復出:「我地正在盡最大的努力讓甘賓尼可以快快回到比賽中,依家我地遇到少少麻煩。最近1段時間甘賓尼還是以恢復為主,9月28日與維拉既比賽之前,我地會對他進行進1步既檢查,睇下佢可唔可以上場比賽。」

對於球隊嚟講無疑是個巨大打擊,在後防線上可謂傷病不斷。為了彌補甘賓尼受傷既位置,轉會視窗關閉前曼城買入迪米捷利斯救急,諗住舒緩1下中堅既問題,可惜「計劃趕不上變化」,新援未正式落場比賽,就宣佈要休戰6個星期。依家主帥柏歷堅尼手中可用的中堅就只有尼史葛、拿斯達錫同查唯加西亞,米卡李察士未100%康復,唔好唔記得,拿斯達錫係啱啱至傷癒復出。
唔好再有球員傷喇! 唔該!
Facebook 專頁:https://www.facebook.com/mancity1887

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→