重溫曼城對阿爾希拉爾（Al-Hilal）嘅比賽，再分析佢哋喺進攻時嘅站位同系統，我發現哥迪奧拿（Pep Guardiola）今季嘅攻擊打法，其實同過往幾年—無論係三冠王（Treble）時期定係100分英超冠軍時—都出現咗明顯變化。
講返以前曼城嘅攻擊體系，佢哋唔係單靠某幾個球星，而係整個團隊多層次咁去打開對手防線。
第一層係控球加左右轉邊，拉扯對手陣形；
第二層係由兩名playmaker操控half space發動組織，過往係大衛施華（David Silva）同奇雲·迪布尼（Kevin De Bruyne）； 第三層先至係靠球員個人突破、盤扭或遠射等技術。
呢種「由團隊建立優勢，再由個人完成終結」嘅模式，先至係曼城喺100分冠軍同三冠王時期最致命嘅地方。你唔係靠某個人carry，而係每一層進攻都有backup、有系統、有邏輯。 但係喺今屆世界冠軍球會盃對住阿爾希拉爾（Al-Hilal）嗰場波，我見到哥迪奧拿嘅攻擊模式發生咗明顯改變，甚至可以話係「退化」。
哥迪奧拿（Pep Guardiola）今場排出以下正選陣容：
門將：艾達臣（Ederson）
四人防線：艾伊特·紐里（Aït-Nouri）、基華迪奧（Gvardiol）、魯賓·迪亞斯（Rúben Dias）、馬菲奧斯·紐尼斯（Matheus Nunes）三中場：根度簡（Gündoğan）、雷恩達斯（Reijnders）、貝拿度·施華（Bernardo Silva）
前鋒三人組：科杜（Kodu）、沙維奧（Savinho）、夏蘭特（Haaland）
比賽中實際形態逐漸轉變為一種變種「WM陣形」。
所謂「WM」陣形，其實係一種進攻變化站位，由四後衛中兩個閘位大幅壓上，形成兩翼寬度；兩個中場壓入half-space，而前線保持三人進攻層次（類似 3-2-2-3 結構）：
曼城今場進攻時變陣做「WM站位」，表面上係想增加中場人數、強化控球，但實際上呢個站型喺防守時出現咗明顯漏洞，尤其係喺兩側邊線嘅空檔。好容易就會喺曼城防線之間搵到空隙嚟入侵。
圖一：當邊路進攻球員無人看管，而且有大量空位時，對手可以形成一個4打3嘅進攻優勢。
圖二：當對手拉開寬度進攻時，曼城嘅防線球員之間出現大面積空位，而邊線球員更加處於無人看管狀態。
專注講曼城喺進攻上出現嘅問題
第一點：進攻太依賴邊路個人能力 今場比賽，球隊進攻明顯集中喺邊路，由杜古（Doku）同沙維奧（Savinho）單邊發動。但問題係，佢哋收到波之後，就要自己突破、自己搵機會。 呢種做法，基本上係用球員個人能力去衝擊對方，而唔係靠整隊戰術建立出嚟嘅進攻套路。 以前史達寧（Sterling）同辛尼（Sané）雖然都係拉邊踢，但佢哋嘅角色係幫中場拉闊對手陣形，之後再等中場送出直線波，由佢哋後上cut入禁區完成進攻。唔係單靠自己一路盤、一路搏。 今場杜古成功率得53%，沙維奧更加得37.5%，兩人加埋21次dribble，其實證明咗球隊係靠住佢哋搵機會，但咁樣太容易被針對。一旦對方用兩人甚至三人包夾，你無戰術支援，只係將責任推晒俾翼鋒去單打獨鬥。 相反，過往曼城進攻係會快轉邊、轉節奏，等對方嚟唔切夾人，先至俾翼鋒搵空位，咁樣既安全又有效。
圖三：曼城 2017/18, 曼城 2022/23 賽季陣容
圖四：當沙維奧（Savinho）控球時，對手已經形成兩人包夾防守去應對佢。
圖五：當曼城喺右路發動進攻時，對手可以集中收窄防守空間，而曼城未有及時將皮球轉邊到左路，杜古（Doku）喺左邊雖然有大量空位，卻無法參與攻勢。
第二點：playmaker老化 + 新人未被重用 再講中場創造力方面，哥帥今場依然用咗根度簡（Gündoğan）同貝拿度·施華（Bernardo Silva）兩位老臣子，雖然兩人依然有能力，但明顯見到根度簡嘅推進速度同體能都下降咗。 根度簡以前係打box-to-box位，衝入禁區完成攻勢無人能比，但依家叫佢再次打number 10做主力playmaker，效果就無咁理想。
相比之下，我更加想見到佢轉型做一個穩定嘅8號位，幫助球隊組織、連接前中後，而唔係再重擔創造角色。 至於有潛質嘅新星謝基（Rayan Cherki），今場只係喺91分鐘先換入，形同冇用。其實佢喺細位控球、創造空間方面絕對有潛力接班大衛施華／KDB，但Pep冇俾足夠機會佢表現。 同樣地，歷高·干沙利斯（Nico González）都幾乎冇上陣時間。曼城中場上季最大問題係「年紀大＋跑動力唔夠」，但Pep喺呢場比賽仍然死用舊中場，唔肯試用新人，實在令人擔心。 2017年12月27日，英超2017/18賽季曼城作客以1比0擊敗紐卡素
當回看呢個進攻片段，可以見到當史達寧（Sterling）喺邊線接應皮球後，奇雲·迪布尼（De Bruyne）可以輕鬆一腳傳球切入禁區，配合史達寧精準嘅內切時機，成功完成入球，展現出迪布尼出色嘅視野同傳球能力，以及史達寧走位嘅節奏掌握。
不過，當曼城對住阿爾希拉爾（Al Hilal）時，翼鋒只係停留喺邊線，夏蘭特（Haaland）想要一腳直線波傳入禁區，但艾伊特·紐里（Aït-Nouri）卻放慢咗進攻節奏，錯過咗最佳傳球時機。
第三點：進攻終結者角色唔夠多樣化 以前曼城100分奪冠季，球隊最強嘅地方就係攻擊點非常多元化。唔係淨係阿古路（Aguero）入波，辛尼（Sané）、史達寧（Sterling）、迪布尼（KDB）、加比爾捷西斯（Gabriel Jesus）全部都有入球能力，唔同位置都可以射穿對方大門。 但係由上季開始到今屆世界冠軍球會盃，我發現曼城喺進攻終結方面愈來愈單一。翼鋒方面，尤其係沙維奧（Savinho），射門能力唔夠穩定，有時候連禁區內都未必敢射。杜古（Doku）速度快、突破力強，但佢亦唔係一個高效率射手。 相比之下，馬姆殊（Marmoush）係一個更值得重用嘅人選。佢喺上季對紐卡素（Newcastle）出場時，同夏蘭特（Haaland）一齊正選，效果相當唔錯。佢以往喺法蘭克福踢兩前鋒戰術，好適合做第二支點去支援夏蘭特。 如果係我排陣，我會試下夏蘭特、馬姆殊、杜古、謝基（Cherki）一齊正選出場，睇吓佢哋之間會唔會擦出新化學作用。現時球隊最大問題就係攻勢太單調，如果冇一個戰術上多層次嘅創造同結束者選擇，就算控球再多都難轉化成入波。
總結：Pep應該重拾戰術層次，而唔係單靠個人能力 哥迪奧拿（Pep Guardiola）一直都係一位頂級戰術大師，曼城由佢接手之後戰術層次不斷進化。不過老實講，從上季後段到而家呢場世界冠軍球會盃，球隊進攻愈踢愈散，戰術清晰度下降，令人有啲擔心。 依家睇到嘅係：過度依賴球員個人能力，對中場人腳調配顯得保守，對新援（如謝基、歷高·干沙利斯）缺乏信心，完全唔符合以往「每位球員都參與戰術」嘅曼城風格。 如果哥帥唔打算用新人，點解又要簽咁多人返嚟？只係擺喺板凳上「食青春飯」，根本係浪費潛力。 8月10日對巴勒莫（Palermo）將會係季前最後一場比賽，呢場我希望曼城可以交出一場真正有系統、有層次嘅進攻波，搵返以前嗰種由戰術主導，而唔係由個人carry嘅打法。球迷期待唔止係贏波，而係睇到一隊有質素、有想法、有未來嘅曼城。
--------- 我開咗個Facebook page ---------
如果覺得好睇，歡迎入嚟比個like: [曼城藍調 - City Blues HK]
如果有意見，歡迎留言
如果想更多人睇到，歡迎分享比你身邊嘅人
講返以前曼城嘅攻擊體系，佢哋唔係單靠某幾個球星，而係整個團隊多層次咁去打開對手防線。
第一層係控球加左右轉邊，拉扯對手陣形；
第二層係由兩名playmaker操控half space發動組織，過往係大衛施華（David Silva）同奇雲·迪布尼（Kevin De Bruyne）； 第三層先至係靠球員個人突破、盤扭或遠射等技術。
呢種「由團隊建立優勢，再由個人完成終結」嘅模式，先至係曼城喺100分冠軍同三冠王時期最致命嘅地方。你唔係靠某個人carry，而係每一層進攻都有backup、有系統、有邏輯。 但係喺今屆世界冠軍球會盃對住阿爾希拉爾（Al-Hilal）嗰場波，我見到哥迪奧拿嘅攻擊模式發生咗明顯改變，甚至可以話係「退化」。
哥迪奧拿（Pep Guardiola）今場排出以下正選陣容：
門將：艾達臣（Ederson）
四人防線：艾伊特·紐里（Aït-Nouri）、基華迪奧（Gvardiol）、魯賓·迪亞斯（Rúben Dias）、馬菲奧斯·紐尼斯（Matheus Nunes）三中場：根度簡（Gündoğan）、雷恩達斯（Reijnders）、貝拿度·施華（Bernardo Silva）
前鋒三人組：科杜（Kodu）、沙維奧（Savinho）、夏蘭特（Haaland）
比賽中實際形態逐漸轉變為一種變種「WM陣形」。
所謂「WM」陣形，其實係一種進攻變化站位，由四後衛中兩個閘位大幅壓上，形成兩翼寬度；兩個中場壓入half-space，而前線保持三人進攻層次（類似 3-2-2-3 結構）：
曼城今場進攻時變陣做「WM站位」，表面上係想增加中場人數、強化控球，但實際上呢個站型喺防守時出現咗明顯漏洞，尤其係喺兩側邊線嘅空檔。好容易就會喺曼城防線之間搵到空隙嚟入侵。
圖一：當邊路進攻球員無人看管，而且有大量空位時，對手可以形成一個4打3嘅進攻優勢。
圖二：當對手拉開寬度進攻時，曼城嘅防線球員之間出現大面積空位，而邊線球員更加處於無人看管狀態。
專注講曼城喺進攻上出現嘅問題
第一點：進攻太依賴邊路個人能力 今場比賽，球隊進攻明顯集中喺邊路，由杜古（Doku）同沙維奧（Savinho）單邊發動。但問題係，佢哋收到波之後，就要自己突破、自己搵機會。 呢種做法，基本上係用球員個人能力去衝擊對方，而唔係靠整隊戰術建立出嚟嘅進攻套路。 以前史達寧（Sterling）同辛尼（Sané）雖然都係拉邊踢，但佢哋嘅角色係幫中場拉闊對手陣形，之後再等中場送出直線波，由佢哋後上cut入禁區完成進攻。唔係單靠自己一路盤、一路搏。 今場杜古成功率得53%，沙維奧更加得37.5%，兩人加埋21次dribble，其實證明咗球隊係靠住佢哋搵機會，但咁樣太容易被針對。一旦對方用兩人甚至三人包夾，你無戰術支援，只係將責任推晒俾翼鋒去單打獨鬥。 相反，過往曼城進攻係會快轉邊、轉節奏，等對方嚟唔切夾人，先至俾翼鋒搵空位，咁樣既安全又有效。
圖三：曼城 2017/18, 曼城 2022/23 賽季陣容
圖四：當沙維奧（Savinho）控球時，對手已經形成兩人包夾防守去應對佢。
圖五：當曼城喺右路發動進攻時，對手可以集中收窄防守空間，而曼城未有及時將皮球轉邊到左路，杜古（Doku）喺左邊雖然有大量空位，卻無法參與攻勢。
第二點：playmaker老化 + 新人未被重用 再講中場創造力方面，哥帥今場依然用咗根度簡（Gündoğan）同貝拿度·施華（Bernardo Silva）兩位老臣子，雖然兩人依然有能力，但明顯見到根度簡嘅推進速度同體能都下降咗。 根度簡以前係打box-to-box位，衝入禁區完成攻勢無人能比，但依家叫佢再次打number 10做主力playmaker，效果就無咁理想。
相比之下，我更加想見到佢轉型做一個穩定嘅8號位，幫助球隊組織、連接前中後，而唔係再重擔創造角色。 至於有潛質嘅新星謝基（Rayan Cherki），今場只係喺91分鐘先換入，形同冇用。其實佢喺細位控球、創造空間方面絕對有潛力接班大衛施華／KDB，但Pep冇俾足夠機會佢表現。 同樣地，歷高·干沙利斯（Nico González）都幾乎冇上陣時間。曼城中場上季最大問題係「年紀大＋跑動力唔夠」，但Pep喺呢場比賽仍然死用舊中場，唔肯試用新人，實在令人擔心。 2017年12月27日，英超2017/18賽季曼城作客以1比0擊敗紐卡素
當回看呢個進攻片段，可以見到當史達寧（Sterling）喺邊線接應皮球後，奇雲·迪布尼（De Bruyne）可以輕鬆一腳傳球切入禁區，配合史達寧精準嘅內切時機，成功完成入球，展現出迪布尼出色嘅視野同傳球能力，以及史達寧走位嘅節奏掌握。
不過，當曼城對住阿爾希拉爾（Al Hilal）時，翼鋒只係停留喺邊線，夏蘭特（Haaland）想要一腳直線波傳入禁區，但艾伊特·紐里（Aït-Nouri）卻放慢咗進攻節奏，錯過咗最佳傳球時機。
第三點：進攻終結者角色唔夠多樣化 以前曼城100分奪冠季，球隊最強嘅地方就係攻擊點非常多元化。唔係淨係阿古路（Aguero）入波，辛尼（Sané）、史達寧（Sterling）、迪布尼（KDB）、加比爾捷西斯（Gabriel Jesus）全部都有入球能力，唔同位置都可以射穿對方大門。 但係由上季開始到今屆世界冠軍球會盃，我發現曼城喺進攻終結方面愈來愈單一。翼鋒方面，尤其係沙維奧（Savinho），射門能力唔夠穩定，有時候連禁區內都未必敢射。杜古（Doku）速度快、突破力強，但佢亦唔係一個高效率射手。 相比之下，馬姆殊（Marmoush）係一個更值得重用嘅人選。佢喺上季對紐卡素（Newcastle）出場時，同夏蘭特（Haaland）一齊正選，效果相當唔錯。佢以往喺法蘭克福踢兩前鋒戰術，好適合做第二支點去支援夏蘭特。 如果係我排陣，我會試下夏蘭特、馬姆殊、杜古、謝基（Cherki）一齊正選出場，睇吓佢哋之間會唔會擦出新化學作用。現時球隊最大問題就係攻勢太單調，如果冇一個戰術上多層次嘅創造同結束者選擇，就算控球再多都難轉化成入波。
總結：Pep應該重拾戰術層次，而唔係單靠個人能力 哥迪奧拿（Pep Guardiola）一直都係一位頂級戰術大師，曼城由佢接手之後戰術層次不斷進化。不過老實講，從上季後段到而家呢場世界冠軍球會盃，球隊進攻愈踢愈散，戰術清晰度下降，令人有啲擔心。 依家睇到嘅係：過度依賴球員個人能力，對中場人腳調配顯得保守，對新援（如謝基、歷高·干沙利斯）缺乏信心，完全唔符合以往「每位球員都參與戰術」嘅曼城風格。 如果哥帥唔打算用新人，點解又要簽咁多人返嚟？只係擺喺板凳上「食青春飯」，根本係浪費潛力。 8月10日對巴勒莫（Palermo）將會係季前最後一場比賽，呢場我希望曼城可以交出一場真正有系統、有層次嘅進攻波，搵返以前嗰種由戰術主導，而唔係由個人carry嘅打法。球迷期待唔止係贏波，而係睇到一隊有質素、有想法、有未來嘅曼城。
--------- 我開咗個Facebook page ---------
如果覺得好睇，歡迎入嚟比個like: [曼城藍調 - City Blues HK]
如果有意見，歡迎留言
如果想更多人睇到，歡迎分享比你身邊嘅人
請按此登錄後留言。未成為會員? 立即註冊