阿仙奴名宿蘇甘寶作為教練界初哥，選擇喺英格蘭較低組別起步，不過近年英格蘭多間球會都出現財政問題，恰巧蘇甘寶執教生涯開展不足兩個球季，竟已經歷兩間球會財困嘅處境，中伏率達到100%。
近年多間英格蘭球會面對財政問題，最嚴重嘅有老牌球會貝利同保頓於今季初段被扣12分，前者更直接被逐出職業聯賽，其他較小規模嘅欠薪事件亦間中發生。前英格蘭國腳中堅蘇甘寶，2018年11月底獲得英乙球隊馬爾斯菲 (Macclesfield Town F.C.) 邀請，生涯首次擔任主帥，就要做「救火領隊」，目標係協助水深火熱嘅馬爾斯菲護級，避免跌落非職業嘅第5組別聯賽。
蘇甘寶賭上前途嘅第一份工，算係做得相當出色，球隊喺上任之前，頭19場聯賽只取得2勝4和13負，僅得10分；蘇甘寶上任後，帶領馬爾斯菲取得8勝10和9負，27場取得34分，剛好於最後一輪聯賽護級成功。其實，球會當季1月開始已經出問題，由1-3月都未能準時向球員支薪，結果引起一隊球員表決投票是否進行罷訓罷賽等行動抗議，據報只有11名球員投票願意繼續訓練。結果，蘇甘寶仍然幫助球會護級成功，但佢喺季後就選擇離開，更上一層樓，轉到英甲嘅修安聯 (Southend United F.C.) 執教。據報導，馬爾斯菲仍然拖欠蘇甘寶薪金約18萬英鎊，蘇甘寶計劃向舊球會追討，及支持其他債權人向法庭提出清盤。
經歷不愉快事件後，蘇甘寶準備於英甲打展拳腳，但卻被命運作弄。修安聯同樣於2019年12月拖欠球員及職員薪金，不過情況就較馬爾斯菲複雜，因為馬爾斯菲當時係全面欠薪，職球員立場比較一致，但報導指出修安聯今次有向蘇甘寶及大多數職球員出糧，只係拖欠7名受傷球員及青年球員薪金，傳聞因此令蘇甘寶與涉事球員出現爭執。《Daily Mail》指，部分被欠薪球員近日與蘇甘寶會面，估計係希望佢出面討回公道或者支持佢哋嘅「工業行動」，但一名球員離開房間時好嬲咁講批評蘇甘寶：「如果係基斯保維 (Chris Powell，前主帥，現任英格蘭國家隊教練團成員) 就會為我哋發聲！」，言則蘇甘寶拒絕協助球員爭取。
被欠薪球員已經向英格蘭球員工會 (PFA) 求助，球會主席 Ron Martin 向PFA承諾1月7日前出糧，但未有兌現承諾，球員或會向法庭提出清盤。未知是否與財政問題有關，修安聯今季成績相當不濟，24場聯賽只取得1勝，以9分排第23位 (尾2) ，而且隨時被-12分起步嘅保頓追上，保頓少賽3場，仍只落後修安聯2分。修安聯要成功護級已是不可能的任務，因為就連同樣處於降班區嘅尾3球隊燦美爾 (Tranmere Rovers F.C.) 都有21分，仲要踢少一場！
Source: Daily Mail
'Chris Powell would have stood up for us': What angry Southend player told boss Sol Campbell after meeting over unpaid wages as stars and staff threaten to go on STRIKE
Southend United fail to pay wages on time with at least SEVEN stars awaiting payments that were due last week
Sol Campbell set for January raid of former club Macclesfield Town as Southend United boss looks to pluck stars from struggling Silkmen
近年多間英格蘭球會面對財政問題，最嚴重嘅有老牌球會貝利同保頓於今季初段被扣12分，前者更直接被逐出職業聯賽，其他較小規模嘅欠薪事件亦間中發生。前英格蘭國腳中堅蘇甘寶，2018年11月底獲得英乙球隊馬爾斯菲 (Macclesfield Town F.C.) 邀請，生涯首次擔任主帥，就要做「救火領隊」，目標係協助水深火熱嘅馬爾斯菲護級，避免跌落非職業嘅第5組別聯賽。
蘇甘寶賭上前途嘅第一份工，算係做得相當出色，球隊喺上任之前，頭19場聯賽只取得2勝4和13負，僅得10分；蘇甘寶上任後，帶領馬爾斯菲取得8勝10和9負，27場取得34分，剛好於最後一輪聯賽護級成功。其實，球會當季1月開始已經出問題，由1-3月都未能準時向球員支薪，結果引起一隊球員表決投票是否進行罷訓罷賽等行動抗議，據報只有11名球員投票願意繼續訓練。結果，蘇甘寶仍然幫助球會護級成功，但佢喺季後就選擇離開，更上一層樓，轉到英甲嘅修安聯 (Southend United F.C.) 執教。據報導，馬爾斯菲仍然拖欠蘇甘寶薪金約18萬英鎊，蘇甘寶計劃向舊球會追討，及支持其他債權人向法庭提出清盤。
經歷不愉快事件後，蘇甘寶準備於英甲打展拳腳，但卻被命運作弄。修安聯同樣於2019年12月拖欠球員及職員薪金，不過情況就較馬爾斯菲複雜，因為馬爾斯菲當時係全面欠薪，職球員立場比較一致，但報導指出修安聯今次有向蘇甘寶及大多數職球員出糧，只係拖欠7名受傷球員及青年球員薪金，傳聞因此令蘇甘寶與涉事球員出現爭執。《Daily Mail》指，部分被欠薪球員近日與蘇甘寶會面，估計係希望佢出面討回公道或者支持佢哋嘅「工業行動」，但一名球員離開房間時好嬲咁講批評蘇甘寶：「如果係基斯保維 (Chris Powell，前主帥，現任英格蘭國家隊教練團成員) 就會為我哋發聲！」，言則蘇甘寶拒絕協助球員爭取。
被欠薪球員已經向英格蘭球員工會 (PFA) 求助，球會主席 Ron Martin 向PFA承諾1月7日前出糧，但未有兌現承諾，球員或會向法庭提出清盤。未知是否與財政問題有關，修安聯今季成績相當不濟，24場聯賽只取得1勝，以9分排第23位 (尾2) ，而且隨時被-12分起步嘅保頓追上，保頓少賽3場，仍只落後修安聯2分。修安聯要成功護級已是不可能的任務，因為就連同樣處於降班區嘅尾3球隊燦美爾 (Tranmere Rovers F.C.) 都有21分，仲要踢少一場！
Source: Daily Mail
'Chris Powell would have stood up for us': What angry Southend player told boss Sol Campbell after meeting over unpaid wages as stars and staff threaten to go on STRIKE
Southend United fail to pay wages on time with at least SEVEN stars awaiting payments that were due last week
Sol Campbell set for January raid of former club Macclesfield Town as Southend United boss looks to pluck stars from struggling Silkmen
請按此登錄後留言。未成為會員? 立即註冊