費格遜對歷任利物浦主帥勝率 精選

今個星期日，英超將會有一場重頭戲——曼聯對利物浦，為左比人重溫歷年戰績，曼聯官網列左費格遜1986年執教曼聯後對陣歷任利物浦主帥（不含社區盾）成績，費格遜對利物浦歷任主帥有100%既勝率，亦都有零勝既尷尬紀錄。
－以下勝率為曼聯勝率，非利物浦勝率

1.杜格利殊（1985.5-1991.2） 曼聯11戰4勝4平3負勝率36%
當時利物浦處上世紀七八十年代巔峰後期，雖然曼聯當時仲未稱霸，但費格遜帶著將利物浦拉下王位既決心出戰紅軍，剛剛執教紅魔既費格遜就晏菲路贏左場1-0，取得佢執教曼聯後首場對陣紅軍既勝利，曼聯更加在隨後3場比賽對利物浦保持不敗，弗格遜當時對杜格利殊既不敗紀錄延續到1988年9月先打破。兩年後，剛奪得89/90英甲冠軍(英超前身為英甲)利物浦在主場4-0大勝曼聯。
2.桑拿士（1991.4-1994.1） 曼聯5戰1勝3平1負勝率20%
桑拿士同杜sir費格遜一樣係蘇格蘭人，係1992/93賽季英超建立之後，呢個賽季奪冠既紅魔對利物浦1平1勝保持不敗，而在93/94賽季，利物浦亦曾經試過0-3落後既情況下追平3-3，但仍然無法阻止曼聯英超兩連冠。
3.伊雲斯（1994.1-1998.7） 曼聯10戰6勝2平2負勝率60%
呢名紅軍主帥的上任讓弗格森對利物浦的勝率上升到新高，曼聯連續係96/97和97/98兩個賽季連續係晏菲路贏3-1。

4.侯利亞,伊雲斯（1998.7-11） 曼聯1戰1勝勝率100%
難得既兩人聯合執教，所以亦只係維持短短4個月，期間只係同曼聯踢左1場比賽，當時曼聯係1998年9月在主場贏2-0。

5.侯利亞（1998.11-2004.5） 曼聯11戰5勝2平4負勝率45%
侯利亞單獨執教後曾帶領利物浦奪得左2001年五冠王，但費格遜仍然係嬴多過輸，利物浦曾經係2003年聯賽杯決賽以2-0擊敗曼聯奪冠，但隨後曼聯回到聯賽主場贏4-0。
6.湯普森（2001.10-2002.2） 曼聯2戰2負勝率0
當時侯利亞患心臟病需要住院，利物浦助教湯普森臨時接管球隊，但卻取得左所有利物浦主帥中對;費格遜既最高勝率，而且呢兩場都係聯賽，利物浦分別係曼聯主贏1-0，係晏菲路贏3-1，加上侯利亞係之前社區盾贏2-1，利物浦係呢個賽季三殺曼聯。
7.賓尼迪斯（2004.6-2010.6） 曼聯13戰8勝1平4負勝率62%
在賓尼迪斯執教利物浦後，曼聯對紅軍再度佔據優勢，在頭4個賽季，曼聯係聯賽都對利物浦保持不敗，只有2006年足總杯輸0-1，而在08 /09賽季，賓賓帶領利物浦首次係聯賽擊敗曼聯，而且一贏就是連續3場，最後，亦都係一樣，無辦法阻止曼聯奪得08/09賽季聯賽冠軍。
8.鶴臣（2010.7-2011.1） 曼聯1戰1勝勝率100%
鶴臣同樣係利物浦歷史上一個短命主帥，執教期間只係同曼聯踢過1場比賽，當時貝碧托夫上演帽子戲法曼聯以3-2擊敗紅軍。

9.杜格利殊（2011.1-2012.5） 曼聯5戰2勝1平2負勝率40%
鶴臣被炒後，杜帥返紅軍救火，當時利物浦仍處於低迷，但杜格利殊率領利物浦對抗曼聯仍舊不落下風，但共同特點係兩人都率領球隊捍衛左自己既主場。

10.羅渣士（2012.7-） 曼聯1戰1勝勝率100%
在紀念希爾斯堡慘案既氣氛下，今個賽季兩隊的首回合交手成為一場充滿爭議既比賽，舒爾菲被紅牌罰下，但隨後謝拉特入球反而令紅軍領先，但好快曼聯依靠拉菲爾既入球追平，最後雲佩斯射進十二碼令曼聯笑到最後。