卡路爾唔明點解羅渣士唔比自己一個機會

引用就算借左佢去韋斯咸之後都未入過波，但係卡路爾仍然非常不滿羅渣士唔肯比自己公平競爭既機會。

卡路爾係今個夏季轉會窗就黎關閉之前借左比韋斯咸，呢名英格蘭中鋒至今仍然未搵到入球感覺，但係韋斯咸卻不知不覺咁爬上左積分榜既第6位，或者係因為呢樣野，卡路爾先覺得自己有資格嘈依家由羅渣士執教住既、只係排係聯賽第12既利物浦。
羅渣士係今個夏季執教利物浦，卡路爾只係係兩場聯賽得到總共18分鐘既替補出場機會，然後係未買入新前鋒既情況之下將佢借出去，即使日前波連尼受重傷要缺陣三個月，羅渣士亦都無講過提前比卡路爾回歸，卡路爾話：“我係利物浦從來無得到過公平既機會，我需要離開呢到去尋找穩定既出場機會，然後韋斯咸既領隊（阿勒代斯）想要我，仲話我知我可以踢到好多場比賽。”

“因此對我黎講，選擇黎呢到踢波呢件事係唔需要考慮，一個新教練黎左，我唔係佢計劃入面，我只有黎到呢到先可以踢波，呢個就係點解我黎韋斯咸既原因，我認為我可以融入任何既計劃，我相信我自己既能力，但係羅渣士有佢自己既信念，佢認為我唔可以，佢話我知我唔會有機會，黎到韋斯咸呢到，我得到機會上場，而我上個賽季都未試過有咁多機會。”
而韋斯咸主帥阿勒代斯唔知道利物浦會唔會係1月召回卡路爾：“我認為呢樣野會根據情況而定，當1月黎果時，佢地會評估利物浦既成績同卡路爾既狀態，佢仍然係一個年輕球員，仲有好多進步既空間，但係佢已經係我地重要既一個球員。”