羅渣士怒叱利物浦球員懶散:係咪要每場入5球先可以贏到??? 精選

引用輸給烏甸尼斯之後，羅渣士認為利物浦球員態度唔好係輸呢場比賽既重要原因，佢仲指出下半場開波既習慣性疲軟已經成為左球隊既弱點。

羅渣士對利物浦領先之後既表現極為不滿：“我地缺少專注力，變得懶散，而係果個階段我地就1比3落後。我地就係太容易失波了，呢樣野係我地必須改進既地方。咁出色既上半場之後竟然會失左個咁既球，白白咁葬送我地就黎得到手既勝利，太令人失望。”
利物浦主場三連敗之後，羅渣士希望球隊可以係周末應戰史篤城果時有所提高：”我認為球隊表現係唔錯，但我地唔可以指望每次都入3球、4球、5球黎贏呢場比賽。最後15分鐘我地重新注入能量投身戰鬥，追返一球，但係無再入多一粒，兩粒。我同球員都傾過，佢地都非常失望。”
前兩輪小組比賽一勝一敗，利物浦係小組入面排第三。但講到出線形勢，羅渣士強調依然會係往後既比​​賽入面比年青球員出場既機會：“小組局勢依然好緊湊，我地呢個小組有唔少勁既對手，對我地黎講拎到晉級資格當然重要，但係都要比年輕球員佢地一啲比賽機會。”